西貢拍拖 歎地中海海鮮

西貢友人報料：「灣景街開咗間主打海鮮嘅西餐廳，人頭二三百蚊，唔貴喎！」餐廳叫 Big Fish，食地中海菜。印籍男老闆兼總廚 Datta，煮地中海菜有十多年經驗，同街亦有間地中海餐廳 Grande，跟哥哥的意菜店 Italiano 也只是一街之隔。他是西貢老街坊，熟悉附近街市海鮮檔，每日飯市前，親自走兩轉街市揀生猛海鮮，如澳洲龍蝦、本地蜆、肉蟹、鮫魚及海鱸魚。

海鮮菜式佔餐牌一半，有凍海鮮拼盤、意式魚生、法式煮蜆、炸魚配洋葱圈、芝士焗龍蝦、龍蝦汁燴海鮮意粉，吃盡各式煮法。愛鮮味的，要試澳洲藍青口伴白酒汁，散發酒香，滑嫩多汁。喜歡惹味的，可選烤魚串燒，鮫魚以紅椒粉及豆寇醃至入味，放火山石爐燒，帶朕炭香。想飽肚的不妨點海鮮雜錦飯，西班牙米以 8 種香草香料混成醬汁炒，吸盡香草幽香。

生蠔最值得狂掃！新西蘭石蠔厚肉 creamy，充滿海水鮮味；澳洲 Coffin Bay 蠔味重，柯打一打生蠔更送白酒兩杯。

環境入夜燈光調暗，枱上放上玫瑰、蠟燭，拍拖談心歎海鮮，好情調！

特色冰凍海鮮拼盤 $398 澳洲龍蝦實淨彈爽，澳洲藍青口柔嫩，新西蘭石蠔鮮甜，新西蘭海蝦和美國翡翠螺均彈牙，本地蜆則夠新鮮。

海鮮雜錦飯 $198

有泰國虎蝦、海鱸魚、鮫魚、格陵蘭比目魚，西班牙米加了法國豬肉腸，吸盡紅椒汁香。

藍青口 $148

蒸新鮮藍青口，配上加入香芹和葱的白酒汁，滿有 juicy 酒香，佐蒜蓉包吃，滋味！

地中海烤魚串燒 $98

新鮮鮫魚索盡香料醃味，配細細粒柔軟的 cous cous 米及 creamy 薄荷乳酪汁，味道偏濃。

香燒大蝦 $198

新西蘭海蝦彈牙沒雪味，伴芒果 salsa 汁，帶出鮮甜。