好 hot 呀！指的是美式墨西哥菜熱！加州風墨西哥輕食店發動連炮式攻勢，月內在中環、灣仔、鰂魚涌狂開 4 家分店。
店子採自助形式，客人先從 4 款玉米薄餅揀一款，包括 Burritos（捲餅）、 Quesadillas（墨西哥薄餅）、Tacos（烤玉米餅）及 Crispy Shell（脆皮殼），每款均附上芝士、生菜絲、番茄粒、酸忌廉及牛油果醬。然後自選牛、雞、豬肉、海鮮或素菜餡料，最後選大 \ 中 \ 小辣的辣椒番茄莎莎醬。
所謂加州風格，即着重輕怡清新，因此配料加入大量本地新鮮蔬菜。用料講求質素，所有薄餅以墨西哥玉米麵粉，每日自家製作。其中 12 吋墨西哥薄餅，在店內半開放式廚房，即搓即焗，入口熱辣辣。肉類更直接從農場取貨，自由放牧，食天然飼料。100% 純澳洲安格斯牛肉雞肉、美國豬肉，都是冰鮮的，非急凍品。以秘製香料醃製兩日，入晒味，又採 slow cook 方法，用專業 Josper 炭爐烤，保持肉質柔嫩又 juicy。所有醬汁也是自製，尤其加入墨西哥 chipotle 辣椒製成蛋黃醬和燒烤汁，惹味開胃。分量大份但唔覺肥膩，好啱港人胃口。飲番枝本地獨家發售的墨西哥生果味汽水或啤酒，好有墨西哥風情！
烤牛肉捲餅 $88
安格斯牛肉滲烤香味，加上自選黑豆或白豆，組合濃郁。
Churros $38
即點即製，鬆化具麵粉香，跟焦糖醬及朱古力醬。
墨西哥汽水 Jarritos $38
有柑橘、青檸、番石榴等生果口味，用天然糖製成，果味清新。
辣手撕豬肉Tacos $88
玉米餅可選軟或脆。豬肩肉以蘋果木煙燻，混了辣椒 bbq 汁，甘香惹味又鬆化。
安格斯牛排沙律配玉米脆皮碗 $98
脆皮碗充滿粟米味，好香脆。牛排用牛臀肉，口感柔嫩，重肉香。
Cali-Max
地址：灣仔皇后大道東 25 號
電話：2325 5505
營業時間：11am-11pm
(原文摘自《U Magazine》)
