2014 大閘蟹情報

大閘蟹上場了，等足一年，終於開季啦！由於天氣穩定雨水少，今年隻隻大閘蟹都飽滿爆膏，產量多大豐收，人人讚好仲要價錢比去年平！真正平靚正，今年一於食到盡！唔識揀大閘蟹唔緊要，最重要找一間口碑好的店舖，就包保買到靚貨。

三大行情！
大蟹多
江蘇天氣穩定，令大閘蟹生長良好，幾乎有8、9次脫殼，因此大蟹供應比以往多出3成，甚至久違了的9両蟹都會在今年登場！

價錢平
去年大閘蟹供應少，價錢貴得驚人，不過今年大造，蟹價比往年平近15%，以7両蟹來比較，去年約$290，今年便降價至$250，加上大陸打貪，大蟹沒有被搶貴，抵買！

太湖正
近年太湖蟹跑出，不少蟹商都大讚太湖水質清澈品質好，拍得住陽澄湖。太湖蟹雖然沒有陽澄湖蟹般設認證，但勝在價錢平少少，是不少人的心水選擇。

買蟹口碑店
Origos - 新開張的gourmet shop，專賣意大利巴馬火腿、法國酒等世界各地的優質食材，內地貨如村茸、木耳及東北五常米等，都在黑龍江一帶自設農地種植，更於陽澄湖自設養殖場，自己蟹自己養，大閘蟹撈上水後48小時送到香港，新鮮度倍增。

Origos
地址：銅鑼灣歌頓道20號地下
電話：2790 0020

泓泰極品大閘蟹 - 新晉網上店，由前飲食雜誌攝影師開設，有門路從本港最大的大閘蟹蟹商取貨，主打太湖蟹，稍後或有陽澄湖蟹供應。質素高，大閘蟹經店主精挑，擔保隻隻都爆膏，而且價錢比一般門市平，5.6両的蟹公只賣$95隻！$1,500元以下於尖沙咀交收，滿額則免費送貨。

泓泰極品大閘蟹
Facebook：www.facebook.com/wangtaihairycrab
電話：9611 3393

永富 - 大閘蟹原來才是永富老本行，做了廿幾年精挑一等一靚蟹，太湖、陽澄湖、荷蘭蟹都有，更有與蟹農合作推出自家品牌「輝皇蟹」，每隻足有成9両重，深受蔡瀾等歡迎，今年只得1,000來隻，想買記得預訂。輝皇蟹約$320隻 (8至9両)

永富食品公司
地址：九龍城侯王道47號地下
電話：2718 2688

華記永昌號 - 賣大閘蟹近50年，主攻太湖蟹，舖頭在內地人脈廣，有專用蟹農供應頂級大閘蟹，開湖前更派專人飛往當地視察，由3両到8両都有，質素穩定，吸引不少名人光顧。

華記永昌號
地址：銅鑼灣駱克道460號地下
電話：2836 6411

(原文摘自《U Magazine》)

更多2014 大閘蟹情報：大閘蟹 特集