八足咁多爪的 759 阿信屋日日都有新事,今次輪到旗下茶餐廳開業!
不揀主流旺區,開在屋苑多的葵涌光輝圍,擺明走街坊路線,但設計卻一改茶餐廳格局,以水泥牆為主,牆身掛有世界各地風景相,配以古典吊扇、木天花,營造舒適的悠閒感。
食物則貫徹品牌一向平靚正作風,炒粉麵飯統統 $40 有找,連大大份的鐵扒餐包湯及茶也只是 $65,價錢平。用料也不輸蝕,像懷舊蝦多士每日用新鮮蝦打膠,還有美國西冷扒、頂級冰鮮三黃雞而非急凍貨,開業不久,已吸引到不少街坊,甚至其跨區食客支持,難怪任何時段來都見迫爆場。Menu 有齊早午下午茶及晚餐,一應俱全,除了一般的茶餐廳款式,由於二廚做川菜出身,因此晚市亦加添麻辣雞煲、水煮牛肉選擇,原爐滾住上,吃完也可加湯灼枝竹蔬菜,緊貼時下流行的飲食趨勢。
懷舊蝦多士 $22(下午茶餐包熱飲)
現時少見的懷舊小食,蝦膠加入馬蹄粒、洋蔥蓉等打至起膠,並放在麵包內上包糠炸至脆身,口感爽脆彈!
黑椒牛柳絲炒烏冬 $38
用美國西冷牛柳切條,加入黑椒粒、青椒、洋蔥炒香,煙韌彈牙。
特色多層三文治 $36(包熱飲)
像公司三文治,但餡料則改成煎雞扒及炸魚柳,而且更特別用春卷皮炸成小兜般放入雜果沙律,賣相勝一籌。
鐵板西冷牛扒拼煙肉 $65(包湯、飯或意粉及熱飲)
8 安士的美國西冷扒質素不賴,而且包主食、湯及飲品,價錢相宜,只在晚市供應也日賣 150 份!
麻辣雞煲 $75(配白飯、例湯)
新加坡炒飯 $36
759 茶餐廳
地址:葵涌光輝圍 7 及 9 號光輝大廈地下 B2 號舖
電話:3669 6945
營業時間:7am-11pm
收費:現金及八達通,不設加一
(原文摘自《U Magazine》)