「人人都話喺中環食嘢貴夾唔飽，我反而想客人離開我餐廳時要飽到捧住個肚，好開心好滿足咁樣。」Restoration 老闆兼大廚 Jack Carson 說起為何要做All you can eat。
這家美式餐廳，主打 Chef Jack 家鄉的新奧爾良菜，散點菜式分量十足，而家仲可以無限添食，擺明挑戰大家胃口。他說：「美國人好鍾意任食，buffet 餐廳在當地開到成行成市，我都想搞 buffet，但地方有限，就換個方式做任食。」
年多前，他先將家鄉名物炸雞來個任食夜，反應超好，其後他陸續推出任食 BBQ Ribs、任食牛扒，最近更推出任食紅酒燴牛仔骨，每晚一款，一星期足足有六晚任食，收費晚晚不同，由$238 - $408，可以由6pm食到10:30pm，真係瘋狂！
最抵食是星期二的炸雞，平日一客4件賣$238,任食反高潮只$238,仲有 homemade biscuits 任食，大廚希望大家多多幫襯咁話。這是 Chef Jack 由細食到大的拿手好菜，雖成本所限選用巴西雞，但做法用心，配方經他反覆試驗改良，先用十多種香料將雞件醃味，然後加麵包糠炸脆，外脆內嫩熱辣辣，超惹味。
星期三有 BBQ Ribs，原條上枱，可分成十多件，用豬背骨，愛其多肉少肥不太膩，塗滿香料煙燻兩個半小時，有柯打即燒香，塗上自製 BBQ 醬，香噴噴！
星期四是新上場的紅酒燴牛肋骨，取加拿大貨，鄰近肉眼部位，件頭大，連骨特別香，用紅酒加牛肉湯燴煮三個半小時，輕輕一咬已離骨，啖啖肉好軟腍，墊底的薯蓉吸收肉汁醬汁精華，不能錯過。
不過講瘋狂，一定是星期五、六、日晚，可以無限量鋸扒！牛扒直接從澳洲農場 Campbell Beef 入貨，黑安格斯牛經自由放牧、草飼長大，好天然；選連骨西冷，在當地熟成 28 至 35 天，再空運來港。西冷肉味濃，鬆軟中帶嚼勁，簡單調味再燒至半熟，最 juicy。Chef Jack 最難忘有 3 位健身教練，合力狂擦 5 公斤牛扒，幾乎是原條西冷分量！牛扒夜的優惠特別多，前菜可選餐湯或沙律，另加薯條或焗薯，全部可以 refill。還不止，加 $170 更可任飲 house wine，大啖牛大啖酒，大滿足！
Restoration
地址：中環雲咸街 63 號 1 樓
電話：2536 0183
All you can eat
供應時間：6pm-10:30pm
收費：星期二晚任食炸雞每位 $238 (包 Homemade biscuits）;
星期三晚任食 BBQ Ribs $318 (包沙律)；
星期五至日晚任食牛扒 每位$408 (包沙律或餐湯，另有薯條或焗薯)
註：收費設加一
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
