現在食甜品，首要講求視覺效果，雪糕玩煙、加雞蛋仔已算小兒科。新開的 White Button Cafe & Dessert，大賣創意甜品，店主 Stanley 曾經於 Grand Hyatt、香格里拉等大酒店做過餅廚，又去過日本、法國進修廚藝。一向做開傳統甜品，但滿腦子都是鬼主意，索性出來自立門戶。
最吸引的絕對是甜品，幾乎款款有賣點，招牌的白酒桃玫瑰慕絲，齋睇甜品名覺得無咩特別，但奉上一刻，定必令每位女士「嘩嘩」聲。杯上笠了一大舊綿花糖，食時馬上勾起了童年回憶，食完綿花糖，底下的甜品杯有以法國白桃混白酒做成的 jelly，加上海綿蛋糕同玫瑰cream 一齊食，非常香滑，食落仲有濃濃酒香。普通不過的甜品 Tiramisu，都加了一點新意，Stanley 在底下放了乾冰，上枱時煙霧瀰漫，增加視覺效果，亦令 Tiramisu 底層慢慢凝固變硬，食落口感比平時更加豐富。
話明係 cafe，自然唔少得小食、Pasta、三文治呢啲基本嘢。這裡的菜式比坊間出品有心思，例如用韓國醬汁煮的「韓仔雞翼」、造型似 pizza的「媽咪麵」，後者將日本素麵炸脆，再鋪上 pizza 餡料如肉醬、芝士、番茄，口感同外型都同 pizza 有八成相似，肉醬更係用黑毛豬去做，以 cafe 小店來講，都算有誠意。
White Button Cafe & Dessert
地址：尖沙咀亞士厘道 23 號雅士利中心 12 樓
電話：2372 9998
營業時間：12nn-10pm
收費：只收現金，另收加一
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
