MK 新開放題店「八幡屋」，雖然收費比一般放題平，但食物卻很有心思，不少都係自創菜式，on menu 剔剔的有芝士大蝦金龍船、地獄汁煮螺都有驚喜，製作絕不馬虎。
像 4 位以上惠顧就送的「五行壽司」，就是自家設計的創意壽司，用金木水火土五個元素做主題，如「金」就有吞拿魚碎、海膽和金箔、「火」則是火炙左口魚裙邊配天婦羅碎，用料絕對唔差，但記住要預早一日訂位先會送！每日頭 50 位惠顧的客人，更可獲贈鵝肝多士一份，放題送鵝肝，真係好少見。
雖然放題食物都係刺身、壽司、串燒、炸物等這些基本嘢，但裡面部分選擇都算幾特別。如富士蘋果一口大福，是從日本引入，出面放題一定食唔到。燒牛脷同樣夠誠意，只用中間最嫩部位，入口香嫩唔羶。最最最抵係連冷熱 sake 都任飲！以 MK 放題來說，如此價錢同質素，真係非一般咁抵！
八幡屋日本料理
地址：旺角西洋菜南街 1N 兆萬中心 9 樓
電話：2151-1388
放題供應時間：5:30pm-12mn，每次限2小時
價錢：星期一至四 $148 起，星期五、六、日、公眾假期及前夕 $158起
交通：港鐵旺角站E2出口
泊車：柏裕商業中心 $20/hr
平均消費：$200
