如果你是......
1. 雪糕控
唔使諗，坐低即叫個丸十芭菲 (抹茶 / 培茶) 同軟雪糕 (抹茶 / 培茶 / 抹茶培茶)。芭菲一杯有成 10 款材料，包括軟雪糕白玉海綿蛋糕雪糕生茶啫喱脆米紅豆蓉忌廉等，一杯就可以試晒店中名物，吃時記得要由最底畢起，一啖食齊軟雪糕同配料。軟雪糕不設 cone 裝，全部都係放在脆卜卜的花形餅上，當中培茶味又比抹茶味特別，當然也可以試紐紋。軟雪糕另配上一小杯生茶啫喱連白玉紅豆蓉，連店子的招牌生茶啫喱都有得試埋。個人認為胃納不大，單試這兩個甜品已經試到店子的精髓。
2. 啫喱控
假如你真的非常十分喜歡吃啫喱，那麼由京都本店直送的兩款「數量限定」的生茶啫喱最啱你。大大件軟滑啫喱配埋茶味濃郁的雪糕、紅豆蓉和白玉都唔錯，不過若然我已經叫了附送小杯啫喱的雪糕甜品，我認為不用另叫嘥 quota。
3. 蛋糕控
有人目標是這裡的蛋糕，堂食的話，集結抹茶培茶海綿蛋糕 + 雪糕的「京之選」是唔錯選擇。要不然，店內也有蛋糕可以買走，仲有年輪、海綿、金磚蛋糕等可揀。
4. 要鹹食
其實店內的鹹食 set 都有成十多款，主角是抹茶味的素麵 / 烏冬 / 蕎麥麵，作唔同的 combination，由 $78-$115，都幾合理，同樣包一小杯生茶啫喱作甜品。
反而，對於香港獨家限定的抹茶大福紅豆湯感覺一般，以綠茶開成的抹茶暖湯比較甘澀味濃，香港人應該唔係好 buy。另外，看 menu，店子其實也有供應宇治金時冰，有 4 款口味，每款頂頭都有軟雪糕，可惜當日未有機會一試。
中村藤吉
地址：尖沙咀 100 號 THE ONE 18 樓
電話：2426 6111
營業時間：11am–10pm
收費：現金及信用卡，不設加一
備註：茶芥 $10/位，每人限時 90 分鐘，必須惠顧一份飲品或食物。
想睇更多？即上 甜品 / 尖沙咀 特集！
相關報導：
6 Must Know about 抹茶名店中村藤吉！
