限定！GOGYO 春季拉麵！

由即日起至 6 月 30 日，GOGYO 限定推出嘅春季清燉肉湯拉麵配烤和牛柳片(HK$158)，第一層湯頭以雞骨、牛腱肉及野菜慢煮數小時而成。第二層湯頭則以牛肉碎、牛跟腱及野菜打造。將兩種湯頭融合後再以明火滾燙數小時，最後在清燉肉湯中加上昆布及牛肝菌醬，這款充滿層次感的五行限定拉麵湯頭才算大功告成，就咁睇個做法已經覺得好費工夫，所以不妨試試廚師嘅心機之作。

為配合清燉肉湯，五行大師為湯頭配上彈牙中太麵，佐以慢烤和牛柳薄片、炒蘑菇、帕爾馬芝士和雙色蘆荀，豪邁之餘不失清新。建議在享用完麵條後，將餘下湯頭倒入附送的白飯中，以茶漬飯的方式徹底地享受每一滴清燉肉湯精華。

至於鍾意食海膽嘅人，可以選擇海膽帶子贅沢筏(HK$328)，全板海膽配上鮮甜帶子肉，兩款海中極品的配搭伴上新鮮紫蘇花，把海膽和帶子的甘香散發得淋漓盡致，陣陣餘香縈繞不散！

還有 GOGYO 嘅另一招牌推介：油甘魚花見(HK$158)，以油甘魚配上清新豆腐蓉及無花果，讓果香甜味帶出油甘魚嘅鮮味，最後灑上果仁碎，如此清新配搭夠晒獨特。

GOGYO
地址： 中環港景街1號國際金融中心商場3樓3020號舖
電話：2385 1366
營業時間：星期一至日 11:30am-10:30pm (最後點菜時間)

想睇更多？即上 中區 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！