新餐廳裝了落地大玻璃，全方位睇晒中環景色，無論日頭定夜晚都一樣好 feel。裝潢則玩 mix & match，以很 raw 的水泥牆，配上感覺踏實的凡爾賽圖案木地板，形成強烈的風格對比。門口處的 Bar 枱則走高貴路綫，金光閃閃，型得嚟又好搶眼。
不只裝潢，餐牌都是玩 mix & match，菜式融合了多國元素，食材、烹調方法都好多元化。總廚羅師傅幾乎每個菜系都接觸過，加上諗頭多多，餐牌近百款新派菜式都是由他設計，保證有驚喜。像油甘魚刺身，羅師傅就諗到另類食法代替 dip 豉油和 wasabi，他先用橄欖油、胡椒、鹽將油甘魚調味，再放上 wasabi 和青蘋果做成的冰凍雪葩，兩者一齊食，味道微辛清香，非常鮮味。
間間餐廳嘅早餐都食 All-day breakfast、Egg benedit，羅師傅覺得太無新意，所以就設計了名叫「Say good day」，自家製多士上放了番茄、24 個月黑毛豬火腿、煎鵪鶉蛋，配搭比傳統有新意，另配以 homemade 雜莓乳酪，yoghurt 內放了少許淮鹽吊味，鹹鹹酸酸好開胃。另一道咖喱蟹，則融入賽螃蟹做法，麵包挖空後，放入蛋白、蟹肉與咖喱汁同焗，口感香滑，齋食或用麵包蘸汁食，一樣惹味。
飲品都好有 gimmick，像部分雞尾酒就用到自製酒調成，煙肉浸威士忌、甘菊釀 Gin 酒，包保出面酒吧試唔到。非酒類的飲品推介 Ice tea，一系列 5 款口味，如洛神花配桃、紫蘇；迷迭香配芒果，入口帶果香和花香，夏天飲夠晒清爽解渴。
特別推介：
Say good day, iberico ham, quail eggs and fruit yogurt $118
靈感取自早餐，多士逐層放上番茄、24 個月黑毛豬火腿、煎鵪鶉蛋，味道酸甜帶鹹香，加上香滑蛋漿，口感很豐富。乳酪是自家製，加了少許淮鹽吊味，鹹鹹很特別。
Hamachi sashimi, green apple wasabi ice, yuzu $108
油甘魚刺身略以橄欖油、胡椒、鹽調味，再配上用 wasabi 和青蘋果做成的雪葩，代替豉油和 wasabi，更加辛香鮮味。
Cheese Platter $98
分別有 Brie 芝士、巴馬臣芝士和 Gorgonzola 藍芝士，食法好特別，將芝士蘸蜜糖、咖啡粉同吃，鹹香、甘甜味非常夾，比單吃芝士味道更豐富。
Stuffed squid, green peppers $32/pc
魷魚內釀了青椒，淋上用印尼參巴醬、意大利白balsamic醋調成的醬汁，辣中帶微酸，配串燒好惹味。
Crab curry, baked in crispy bread ball $138
用賽螃蟹做靈感，蛋白、蟹肉與咖喱汁放在麵包內同焗，口感好香滑，幾乎啖啖都食到蟹肉，麵包還可 dip 落咖喱汁一齊食。
Banana boat, homemade palm sugar ice-cream, coconut jelly $98
以椰子做主題，裏面有自家製的椰糖雪糕，配以椰果和焦糖香蕉，很有地道風味。
Hibiscus Dance $62、Rosemary Meet Mango $62
自創果茶的口味配搭也有心思，如洛神花配桃、紫蘇，迷迭香配芒果等，味道很清甜。
Welcome to Town $108
用西柚汁、雲尼拿糖漿、甘菊 Gin 酒等調製，入口西柚香突出，帶清幽花香，很合女生口味。
Mr Charming $108
以 vodka 做 base，加入梨、酸柑、橙酒等調成，味道酸甜開胃。
Townhouse
地址：中環蘭桂坊德己立街 30-36 號新加州大廈 23 樓
電話：2344 2366
營業時間：星期日至四 12nn-12mn，星期五、六及公眾假期 12nn-2am
收費：現金及信用卡，設加一
交通：港鐵中環站 D2 出口
泊車：中環中心 $22
平均收費：$300
想睇更多？即上 新餐廳 / 中環 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
