100% 吃得的雪糕杯

驟眼看，沒甚特別嘛，不就是一杯裝飾得較精緻的雪糕杯，但仔細睇睇，竟然有人將全個雪糕杯連紙都食埋落肚，唔通真係好食到咁誇張？

原來我誤會了，這個雪糕的賣點，原來是全．個．都．食．得！這個吃得的雪糕杯由年輕人 Ethan 設計，他曾在巴西擔任甜品師 3 年，近日回流香港，他自言愛吃雪糕，經常遇到吃到尾要找垃圾筒的煩惱，於是萌生起將曲奇變做雪糕杯的念頭！

4 款曲奇杯全屬自家製，暫時每日限量 200 個，各有不同顏色味道，分別是coffee、red velvet、butter 和 princess，顏色分明。

另軟雪糕也分有 3.6 牛奶和blue moon 兩款，前者有點似白兔糖的奶香、後者在紐約很流行，味道偏甜，同樣做得軟滑 creamy，冰感較低。最過癮還是圍邊的紙圈和表面的公仔裝飾都由米紙做成，以可食用顏料印製，並因應不同主題作配搭，像 ZOOOO 便放滿蜜蜂松鼠、MOOOON 頂著太空人圖案等，構建出不一樣的主題雪糕杯，讓人食得乾手淨腳。以後可以大聲同人講呢度嘅雪糕，好食得連杯都唔放過！

特別推介：
Ice S'More Bar $42
自家製的棉花糖內以威化包住呍呢拿雪糕，奉客前更會將棉花糖燒香表面，食落香甜又有鬆化感，間中也會轉朱古力雪糕。

XOXO $48
香甜的牛奶雪糕襯托紅調子的曲奇，在雪白的雪糕上鋪滿士多啤梨粉、紅莓脆粒、朱古力粒和心形米紙，頭頂更放粒沾有冰糖的士多啤梨，超吸睛！

MOON $45
粉藍的雪糕賣相誘人，與帶深藍調的曲奇好合襯，而且表面淋有朱古力漿做成脆皮，並灑滿爆炸糖、星星脆米及太空人圖案的米紙，好有外太空 feel！

POOL $45
牛油曲奇食落好鬆脆，與冰凍的雪糕混和吃更好，加埋乳酪脆粒及燒棉花糖，連埋張米紙一齊食，過癮！

ZOO $48
帶甘的咖啡曲奇杯與牛奶雪糕 mix 埋似飲 latte，更連同自家製的朱古力脆筒，層次變化豐富。

Loooop
地址：大坑浣紗街 2A 地下
電話：8192-8815
營業時間：12nn-12mn
收費：只收現金，不設加一
交通：港鐵天后站 A1 出口
泊車：浣紗街設有咪錶位
平均消費：$50
備註：如加食用米紙，須另加 $5。

想睇更多？即上 大坑 / 甜品 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！