介紹食嘅嘢先啦！權八居酒屋今次呢個吞拿魚主題，採用「黃鰭、藍鰭、鬢長」，根據唔同嘅吞拿魚炮製不同美食。好似肥美嘅藍鰭就會用作刺身、壽司，有盛夏特色吞拿魚三食(HK$268)以及特盛三色吞拿魚壽司(HK$198/3件)。小編啱啱試完，覺得吞拿魚好 fresh、sauce 夠酸帶點微辣，夠醒胃。而黃鰭較為鮮甜，製作冷盤就最啱喇，如吞拿魚明太子牛油果沙律(HK$108)。
而鬢長吞拿魚油分較少，煮成熱盤就較為合適，有鮮茄醬吞拿魚薄餅(HK$108)。而小編就試咗鬢長吞拿魚扒，感覺好特別，同平時食吞拿魚嘅口感好唔同，肉質好「實在」！
要介紹主角啦！權八居酒屋新推出幾款酒類；有白鶴 上撰 生 雪舞酒($108)、白鶴超特撰大吟醸(HK$388/carafe)、白鶴山田穗純米大吟釀(HK$988/瓶)、白鶴梅酒(HK$78/杯)。單睇外形，雪舞酒已經非常吸引，而酒精度唔算高，只係 13.7%。一拎上手，雪舞酒好冰涼，貌似普通清酒，但係「shake shake」過後，雪舞酒好似變咗沙冰咁嘅質地，倒出嚟都仲見到好似沙冰咁會有「一舊舊」嘅嘢，斟完即刻飲番杯，入口好清新舒服，好特別！講多無謂，即刻去片！
影片連結：youtu.be/5_uoDEoxb5Y
另一支要推介嘅就係白鶴梅酒，相比起一般梅酒，白鶴梅酒嘅酒精度較低，只有 12.5%。而白鶴梅酒最特別嘅就係做法同一般梅酒完全唔同。白鶴梅酒嘅釀製做法同釀製葡萄酒做法相似，將梅子汁以及糖加入水去發酵而釀製而成，所以梅子味道會更重，更易入口，女生應該會好鍾意。
權八居酒屋
地址：銅鑼灣希慎道 33 號利園一期 4 樓
電話：2787-3688
營業時間：星期日至四 11:30am-1am、星期五至六 11:30am-2am
夏日火紅吞拿魚盛宴
供應日期：即日起至 8 月 31 日
想睇更多？即上 銅鑼灣 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
