GOGYO 嘅啤酒配美食套餐用上沖繩特色美食，包括啤酒、海葡萄、菠蘿及黑毛豬等，由 GOGYO 總廚烹調，口味由淡至濃，而沖繩啤酒則採用沖繩兩大手工啤酒廠南都酒造所及海利歐斯酒造的手工啤酒。GOGYO 今次呢個啤酒配美食，真係幾有 gimmick，由頭盤、主菜、招牌拉麵以及甜品，每道菜式都配上啱口味嘅啤酒！
全新啤酒配對餐目 HK$698/2位
頭盤：Okinawa Suizokukan x Nihede Soft
頭盤保持清新開胃之感，用上沖繩材料如吞拿魚、名物苦瓜及海葡萄，加上青蘋果、蕃茄及芝士，夠晒醒神，而啤酒味道雖淡但好清醇。
主菜：Drunken Agu Pig x Nihede Hard
用上沖繩豚肉、苦瓜片、粟米及紫薯蓉。紫薯蓉係沖繩嘅特產，味道果然不俗，甜而不膩，而沖繩豚肉肉味濃郁，夠 juicy，Nihede Hard 啤酒中和咗濃厚肉味，而充滿麥香。
招牌拉麵：五行焦香味噌拉麵/黑拉麵 x Nihede Black Ale
外表頗為吸引，小編試食咗黑拉麵，係以黑蒜、豚肉等材料炮製而成，黑蒜味濃，而且麵條粗滑，盡收湯料味道，而且配搭嘅黑啤好濃郁，有好多純黑幼滑嘅泡沫，充滿啤酒酒香以及苦澀味。
甜品：Pineapple Farm x Helios Goya Dry
菠蘿身為沖繩特產，肯定夠酸甜、夠 fresh，內有菠蘿、燕麥、西班牙油條及酸奶油，與 Helios Goya Dry 的淡苦味道緊緊相扣之餘，亦與沖繩產鮮甜的菠蘿形成強烈對比。
GOGYO
地址：中環港景街 1 號國際金融中心商場 3 樓 3020 號舖
電話：2385 1366
營業時間：星期一至日 11:30am-10:30pm (最後點菜時間)
想睇更多？即上 中區 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
