沙嗲王今次同比卡超嘅聯乘，再次掀起集體回憶，炮製咗好多賣相可愛嘅比卡超食品、飲品，小編認為一定要食嘅 item 係比卡超咖喱豬排飯 (HK$78)，可配番茄、波菜或藍咖哩，成個比卡超個樣送到你面前，齋 post 相都值啦！另外亦有比卡超辣肉腸 pizza (HK$48)、呍呢嗱雪糕千層塔連比卡超布甸 (HK$58)。至於飲品方面，除咗有比卡超芒果沙冰 (HK$38)之外，更有其他朋友例如火狐狸士多啤梨梳打配啫喱 (HK$32)、哈力馬龍奇異果梳打配啫喱 (HK$32)，以及呱呱泡蛙藍桔荔枝梳打配啫喱 (HK$32)！
有得食更有嘢買！沙嗲王更開設比卡超 pop up store，獨家發售 6 款商品，包括比卡超抱抱攬枕 (HK$129)、比卡超加精靈球嘅可愛環保袋 (HK$79)、比卡超書籤連糖果套裝 (HK$49)、超進化圖鑑文件夾 (HK$29)、以及 8 款小精靈匙扣 (HK$49/個)，身為比卡超嘅粉絲，唔係唔去朝聖掛？！
7 月 25 日嘅 1:30pm-2:30pm、7 月 26 日嘅 1pm-2pm，大大件嘅比卡超公仔會駕臨銅鑼灣店，想同佢影相就要早啲去喇！除此之外，銅鑼灣店更有任天堂 3DS 試玩，又可以購買 Pokémon Omega Ruby & Alpha Sapphire 套裝，正呀！地址為銅鑼灣軒尼詩道 489 號銅鑼灣廣場 1 期 9 樓。
歡迎你 like 我哋 U Food Facebook Page / U Food Instagram ，取得我哋更新更快嘅資訊！
