自問是自助餐王的，不妨挑戰足四晚不同主題，因為只要在指定時間內吃完兩個 (8 月 31 日前) 或四個 (9 月 30 日)不同主題，就可以參加抽獎，終極大獎是送出兩晚台北 W 的住宿及機票套餐，實行食到去台北。
說回自助餐四個吸引的主題，星期一是「海鮮大集會」，其實自助餐本來都有不同款式的海鮮，不過逢星期一海鮮部分會加碼，生蠔款式增加，龍蝦扇貝及青口等也加多了，還有熱辣辣的香煎地中海海鮮等；星期二則是「亞洲美食」以東南亞如泰國、印尼等地為主，香料十足的泰式魚餅、峇里傳統的香辣蕉葉三文魚，香辣的印度咖喱及正宗馬拉咖喱雞等；星期三是「瘋狂燒烤夜」各式沙嗲等配上大廚特調的沙嗲汁，還有烤全豬等，夠晒惹味；星期四則是人人都喜歡的「日本美食嘉年華」，天婦羅、魚生及爐端燒等都有齊，還有燒秋刀魚及池魚等等，實行以味覺遊歷日本。最後，甜品都是做成細細杯，款式貴精不貴多，
特別推介：
韓式燒牛肉
用的是美牛，再配上韓式汁醬及泡菜，吃落十分開胃。
日本軟殼蟹天婦羅
各式壽司及天婦羅卷是星期四晚的主題美食。
泰式魚餅及沙嗲
分別是星期二及三的主題，全部都是師傅們的手作食物，沒有用上現成來料。
凍海鮮
作頭盤是不少人的回本力作，凍蟹有頗多蟹膏，基本上海鮮都極新鮮，不用特別 調味也可。
香煎地中海海鮮
在星期一出現，配上橄欖油汁做成的煎海鮮，很適合配杯白酒享用。
| 月巴氏 評語： |
| 1：「神奇4味」，我食的是星期四嗰味，日本味。日系食品自然是主打，除了必備的刺身壽司，還有燒物炸物。令我最亢奮（Keep住攞）的是烤和牛肉串配柚子芫茜牛油。我忘記了自己當晚究竟攞咗幾個round，只知道攞得密到連個 chef 都好似認得我……唯一不能理解的，係個名——叫得和牛肉串應該細細嚿囉，Why 會咁大嚿？正呀！建議：唔使加醬汁，原味食，便已足夠。 2：雜菜天婦羅餅，我好記得，我食咗五件——實在忘不了餅裡收埋三大隻蝦的滋味。如果你問我有乜必食？我會答係呢件餅。義無反顧地。 3：燒元貝比較削，但我都食咗十隻…… 4：好多自助餐的冷盤已經不再提供生蠔，就算有，都好似驚你食得太多壞肚皮，出一兩round已不refill……這裡大量供應澳洲生蠔，細隻、蠔味濃，不用加甚麼醬汁啦，如果堅持要加，不妨加點蟹籽；現場所見有客人攞咗大量蟹籽，多到直情完全覆蓋隻蠔，霎時間我分唔清佢究竟想食蠔定蟹籽……其實，加少少，點綴一下已OK。 5：少無適俗韻，性本愛剝蝦。我超鍾意食冷盤的蝦，而我可以好大膽講，這裡的蝦是我近半年剝過最爽最飽滿的蝦！我大概食咗 25 隻，yeah～ |
|
月巴氏 info 專欄及漫畫作家，曾推出電影評論著作〈浪漫月巴睇舊戲〉、專欄結集〈月巴事：從來未聽說（世間一切美好）〉等。 自稱「孤獨的暴食家」，最愛單拖食 buffet，平均一個月至少食 2 次。他的 buffet 哲學──享受選擇自由，不計算回本與否。 |
鳴謝：月巴氏
Kitchen
地址：尖沙咀柯士甸道西 1 號香港 W 酒店 6 樓
電話：3717 2299
供應時間：星期一至四 6pm-10pm
價錢：成人 $558、小童 $279
備註：設加一
相關報導：
今夏 自助餐大戰
歡迎你 like 我哋 U Food Facebook Page / U Food Instagram ，取得我哋更新更快嘅資訊！
