意大利南部最出名嘅就係橄欖、蕃茄等等，所以今次全新菜單嘅菜式大多都含有橄欖和蕃茄嘅元素。
先講前菜「清新之吻」，呢個係以Pizza Express招牌麵團捲起，餡料釀入意大利羅勒香草醬及香濃ricotta軟芝士烤焗製成嘅，重有乾番茄香草醬作伴碟，食落脆卜卜，又有香濃嘅芝士味，一個人食幾粒都唔會膩！
另外，佢嘅「西西里香脆包」同「番茄芝士脆包」都同樣係前菜，但唔好以為佢地兩款都係「包」，就會好飽呀！其實食落就好似食薯片咁！不過，小編要提提大家，因為「蕃茄芝士脆包」係加咗辣甜椒，所以對於唔食得辣嘅朋友嚟講，個辣度真係勁咗少少！
嚟到主菜嘅部分，首先要推介一吓嘅就係，慶祝 Pizza Express 50週年特別推出嘅番茄肉腸薄餅，呢個係Pizza Express深信意大利最傳統嘅 Pizza，其中一塊Pizza重有一條尾，據說食到這一塊嘅朋友，就係當日嘅幸運兒啦！
除此之外，如果喜歡食海鮮嘅朋友就啱晒啦！因為佢哋推出咗「羅勒青口薄餅」和「海鮮千層寬麵」。「羅勒青口薄餅」一上枱已經聞到香味，重有大大粒嘅青口，十分惹味！而「海鮮千層寬麵」，佢每一層都會有煙三文魚和蝦肉，再配以露筍同菠菜，感覺非常清新！
最後，當然唔少得甜品，伊頓草莓麥斯！呢個甜品相當少見，佢係用酸酸哋嘅士多啤梨，配合忌廉蛋白餅碎，和開心果仁碎粒，食落有三個唔同層次嘅口感和味道，士多啤梨嘅酸啱啱好中和番忌廉蛋白餅碎嘅甜度，互相補足！驟眼看上去，佢就好似一個散咗嘅蛋糕，但記得一定要撈埋晒先好食呀！最重要係一次過要食晒三款食物，先感受到佢豐富嘅口感！
呢個菜單只限夏天供應，一於約埋你嘅朋友一齊去試呢個全新菜單啦！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
