偏偏世事無絕對，這間在荃灣新開的火鍋店，正正推翻這公認的定律。雖是任食火鍋店，單是湯底就有 16 款選擇，大部分都係可先飲返碗再打邊爐的靚湯，絕對不是令人口喝的油膩味精水。招牌的酸菜魚湯，加入大量鯇魚腩及用少量辣椒醃過的酸菜熬成，鮮甜得來帶輕淡的酸辣；又如另一招牌帶和風的櫻花蝦湯，用日本櫻花蝦、本地新鮮豬骨及味噌等熬 10 小時以上，夠哂濃郁！另外，仲有藥膳、沙參肉竹鯊魚骨、木瓜雪耳等湯底，啱晒轉季邊飲邊打邊爐滋補下。
食物配料亦同樣夠誠意，選擇近百款，有不少都是自家製，如響鈴，堅持每日於店內鮮炸、豬紅不怕工序繁複自家用鹽水浸至挺身再加自製麻辣醬醃、免治雞肉用孜然醃過再自己打成肉丸，又自己包餃子……連港人大愛的肥牛都揼本用成本比一般肥牛高一成半的美國安格斯肩胛位，肉味更濃，回本必點！
除了食物，餐廳環境都一樣得，枱與枱之間有足夠的空間讓職員像將食物推車將食物送到客人面前，另一貼心之處就是老闆見唔少女生都會嫌打完邊爐走時一朕味，於是學韓燒店為每張都裝上韓式抽油煙機，等大家享受完打邊爐可以 keep 住清新乾爽地離開。
特別推介：
櫻花蝦湯底
用大量自己炸香的日本櫻花蝦加紫菜、味噌及大量新鮮的本地豬筒骨熬足 10 小時，湯色雪白，濃郁鮮甜。即使打邊爐中段要加湯，所有湯底加的一律是自家熬的豬骨湯而非味精湯，感覺更健康。
麻辣湯底
用多款四川辣椒、蒜子、京蔥等多種香料加油炒成。難得這湯底麻辣度適中得來湯底不算油膩。牛肉則用美國安格斯肩胛，脂肪不多、肉味亦濃，多食兩件都無罪惡感。
酸菜魚湯
用大量新鮮鯇魚腩加酸菜熬成，上桌時還可吃到不少鮮魚片，夠足料。酸菜用辣椒醃過，可僻魚腥，飲落湯底鮮甜微酸，很開胃。
手打孜然雞肉丸、炙燒芝士丸
雞肉丸用免治雞肉及雞柳加入孜然粉再打成，細細粒夠彈牙，孜然味亦突出。炙燒芝士丸專程找供應商做，外層燒過之餘裡面包入超多芝士，芝士味極濃！
麻辣豬紅
比坊間豬紅挺身，因為多花時間用鹽水浸豬紅迫出多餘水份，再加自製的麻辣醬醃，齌食或打邊爐都夠惹味。
一鍋堂
地址：荃灣眾安街 55 號大鴻輝中心 11 樓
電話：2408 3771
營業時間：5:30pm-3:30am (last order 2:30am)
價錢：5:30pm-10pm 成人 $148、小童 $88；10pm-3:30am 成人 $128、小童 $88，設加一
交通：港鐵荃灣站 B1 出口
泊車：荃灣站停車場 $15/hr
備註：以上為試業價錢，10 月中價錢會調整。入座計可任食 150 分鐘，假期前夕及周末須另加 $10
想睇更多？即上 新餐廳 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
