老闆谷祖琳本身喜愛北歐風格，所以新店特別走北歐 cafe 路線，open kitchen 設計特別模仿北歐小屋的屋頂，室內則以白色為主調，加上簡約吊燈點綴，感覺悠閒舒適。新店除保留小甜谷以往的招牌甜品外，特別新增了不少 cafe 鹹食，並請來五星級酒店大廚主理，像慢煮鵝肝鴨腿肉牛肝菌意大利飯、煙腩蠔肉忌廉意大利麵等，都是大廚的自創菜式，前者用上 cafe 少有的靚料如鵝肝、牛肝菌，並用鴨汁、黑松露醬烹調意大利飯，帶松露香之餘，更啖啖充滿鴨汁的濃郁鮮味。
甜點也有新品推出，像抹茶系列就加入不少新款式，全用逾百年歷史的京都抹茶粉炮製，像宇治抹茶精選，便可一次試勻幾款招牌抹茶甜品，包括抹茶紅豆卷、軟雪糕、latte，味道甘香不澀，抹茶控必試！新增的飲品一樣充滿新鮮感，像「神奇果」系列，就用原個水果作盛器，裏面裝住果汁，全用日本搾汁機原個搾成，非常原汁原味。Cafe 供應 lunch set、afternoon tea、dinner a la carte menu，一站式食埋西餐、甜品，滿足晒三心兩意嘅食客！
特別推介：
鵝肝鴨腿肉意大利飯 $168
Risotto 以鴨汁、忌廉煮成，飯粒帶濃厚鮮味，配以鵝肝、鴨腿肉食更惹味。
宇治抹茶精選 $68
有抹茶紅豆卷、軟雪糕、latte，甜品全是每日鮮製，並選用京都抹茶粉製作，甘香濃郁。
法式疏乎蛋多士配鮮果及雪糕 $58
外層香脆，食落有疏乎厘的鬆軟口感，可配焦糖忌廉或雪糕品嘗。
鮮蝦帶子墨魚汁意大利麵 $168
意粉吸收了墨魚汁鮮味，加上虎蝦、北海道帶子食，鮮味加倍。
鮮搾神奇西柚汁 $18、西瓜汁 $35、菠蘿汁 $55
用日本搾汁機打成，再用原個水果作盛器，賣相吸引。
小甜谷
地址：銅鑼灣謝斐道 482 號信諾環球保險中心地下 4-6 號舖
電話：2325 0208
營業時間：星期日至四 11:30am-1am、星期五至六 11:30am-2am
(原文摘自 U Magazine ISSUE 513)
想睇更多？即上 Cafe 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
