店子開得隱閉，藏於威靈頓街和石板街交界，舖仔細細，但廚子卻大有來頭。老闆兼大廚樂師傅於老牌鐵板燒店松菱出身，於內地澳門打滾過後再回流，幾十年大廚經驗到自立門戶，食物沒有華麗擺設，只求食客食得稱心。
店內食材每天由築地、北海道、宮崎等地運來，樂師傅每 3 個月便去一趟日本取經，尋找新食材、新煮法。店內主打的刺身「腦天」，其實是藍鰭吞拿腦後的嫩肉，味道可媲美拖羅，價錢卻便宜得多。
話明是 Fusion 為主，樂師傅首創的三文魚夾餅創作壽司，就是用燒至脆身的鱈魚皮取代軍艦壽司的紫菜；又有吸引眼球的火焰卷，點燃白蘭地後，製成名副其實的火焰卷。樂師傅最愛以酒會友，烹調之餘，啱傾的更會送上日本國宴級清酒「辯天」、威尼斯影展指定用酒「富士高砂大吟釀」等靚酒予食客一試。
特別推介：
秋刀魚串燒 $268
秋刀魚裹着明太子燒至金黃，吃時再沾上岩鹽或竹炭鹽，味道鹹中帶鮮，秋刀魚的魚香伴着明太子的鹹辣，外表燒至酥脆，內裏卻依然 juicy。
S2 海膽杯 $298
由下而上開始分別是海藻、海膽、三文魚子、海膽、拖羅蓉、海膽和黑魚子，選用北海道的赤膽和馬糞膽，食時一匙到底，一口吃下幾種味道。
鮑魚雞翼 $68/隻
日本吉品鮑先用清酒慢煮 24 小時，再釀入雞翼燒熟，雞油逼入鮑魚，外層雞皮香而不韌，既吃到入味鮑魚，也有雞翼香。
竹炭烏冬 $108
用竹炭和麵粉自製的竹炭烏冬，麵身較幼細，熱食用魚湯煮；凍食則配用麻醬和日本芝士醬混成的醬汁，麵質入口爽滑彈牙。
腦天 $98/片
藍鰭吞拿腦後的嫩肉，口感在大拖羅和中拖羅之間，油份重但爽口夠滑，有筋但易咬，入口軟滑，滿口油香。
秋刀魚三食 $268
正值秋刀魚當造，同樣是刺身，但就取 3 個不同部位。魚腩位厚切，質感厚實；薄切則配上岩鹽、黑松露醬，吃時沾上柚子胡椒汁，可口非常；切絲則配上薑葱和酸汁，口感相對稍遜。
S2 Kitchen
地址：中環威靈頓街 51 號地庫 A 舖（石板街口）
電話：2885 8803
營業時間：星期一至五 11am–3pm、6pm -10:30pm，星期六及公眾假期 1pm–11pm，星期日休息
收費：現金或信用卡，設加一；午市現金付款免加一
交通：港鐵中環站 D1 出口
泊車：伊利近街錶位
平均消費：午市 $100、晚市 $300
想睇更多？即上 新餐廳 / 中區 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
