唔係唔係，呢間「綠色屋子」原來同中環舊年開業嘅 Glasshouse 和 Townhouse 屬同一集團，同用 「House」命名，既有連貫性亦有種家的親切感。這新成員因為餐廳內放滿唔少綠色元素，像植物吊飾、綠色沙發椅，也採用了大量木系傢俬，有種 environmental friendly 的和諧感，叫 Greenhouse 也頗貼切。
來到這屋子的第三步曲，食物方面也繼承了前兩間餐廳，同樣主打西方風味亞洲菜。目前餐牌熟口熟面，除咗甜品與飲品款式多了，前菜、小食同主菜暫時由 Glasshouse 和 Townhouse 中最受歡迎的菜式移植過來，好似 Glasshouse 早已出現過的泰式炒墨汁麵配溫泉蛋，其實係變奏版 Pad Thai，用自家製墨魚麵代替金邊粉，又用溫泉蛋代替蛋絲，難得味道味道好夾，叫好叫座，所以新店繼續供應。
又好似 Townhouse 新出無耐的 Dirty Duck，本是印尼峇里的名菜，大廚就發揮創意在醃了加入多種西方的香料，又在醬汁加入意大利醋提味，中西合璧得來又零違和感。
甜品款式比前兩間店多，除了有 Townhouse 大熱的雞蛋仔火鍋，也推出了新口味的 Crepes、用 bailey's 代替咖啡酒做 tiramisu 等，連梳打飲品也加上了一個自製的香草水果冰球做裝飾，又係打卡呃 Like 的好時機。
特別推介：
烤大黑菇拼韓式泡菜芝士 $35/串 (2 串起)
大黑菇菌香濃又 juicy，加埋帶點辣味的車打芝士燒，好惹味，送酒一流。
油甘魚刺身伴青蘋果芥末柚子沙冰 $98
油甘魚肥美油香重，配加入蘋果及柚子汁做成的 wasabi 沙冰，酸咪咪又微辛，剛好平衡了油膩感。
泰式炒墨汁麵配溫泉蛋 $138
用自家製的墨魚麵代替金邊粉，顏色更 sharp 更型，口感更 al dente，加上用了叉燒代替肉絲，又將蛋絲變成了溫泉蛋，賣相、口感都好有新鮮感。
酥炸富貴鴨拼參巴醬及薯仔沙律 $268
在本地新鮮購入的新鮮鴨先用多種香料醃過夜再風乾，接到柯打時再炸香，工序繁複，食落皮脆肉鹹香軟嫩，配埋加入意大利黑醋調成的參巴醬，惹味開胃。
雞蛋仔火鍋 $98
即製雞蛋仔香脆富蛋香，蘸上暖笠笠的自家調吉士，夠 creamy 不過甜，感覺好幸福！
蜜桃薑梳打 $48
由蜜桃汁加薑啤調配而成，飲落香甜微辣，亮點係上面的冰球，加入香草及水果塊雪成，賣相不時轉換，好靚呀！
Bailey's Tiramisu $98
Mascarpone 芝士加入 Bailey/s 打成軟滑 mousse，酒香在口腔慢慢散出，上面仲有爆谷、macaron、oreo 等裝飾，口感豐富。
GREENHOUSE
地址：銅鑼灣時代廣場 10 樓 1004 號舖
電話：2383 402
營業時間：11am-11pm
收費：現金及信用卡
交通：銅鑼灣港鐵站 A 出口
泊車：時代廣場 $27/hr
平均消費：$150 (午市)、$250 (晚市)
歡迎你 like 我哋 U Food Facebook Page / U Food Instagram ，取得我哋更新更快嘅資訊！
