Jamie's Italian 嘅新菜式包括傳統意大利主菜炭烤豬扒 (HK$220)、香脆鴨腿 (HK$208)、酥炸海鮮拼盤 (HK$198)、紅莓蛋白脆餅 (HK$78)、香橙栗米蛋糕 (HK$78) 以及意大利芝士蛋糕 (HK$78) 等等，小編為你哋五大必試菜式：
酥炸海鮮拼盤 HK$198
款式根據當日來貨嘅魚類、貝殼類海鮮而定。小編當日試食有青口、三文魚、魷魚、魚柳，炸得非常鬆脆，而不會有過多油分。配以意大利他他醬及檸檬，食落好 fresh。
香脆鴨腿 HK$208
以 slow cook 方式烹調再烤焗，令肉汁鎖緊於鴨腿之中，而鴨腿皮非常香脆。外脆內軟嘅鴨腿非常鮮嫩，伴以西洋菜甜橙茴香沙律、新鮮紅石榴香橙醬共吃，令鴨腿帶點清新，食落不會過膩。
炭燒豬扒 HK$220
未上枱已經聞到炭燒嘅氣味，令附近嘅食客們都眼望望！再望下個份量超誇張，自行睇相吧！餐廳用上自由放養嘅豬，所以食落非常厚肉又 juicy，配意大利蕃茜醬、蘋果大頭菜沙律，食落「肉味」不會太重，還有一塊香脆豬皮片，惟小編略嫌過硬，可以稍為香脆一點！
意大利芝士蛋糕 HK$78
全新 upgrade 版嘅意大利芝士蛋糕，味道稍作調配過後，更啱香港人口味，食落無傳統嘅 tiramisu 咁苦，而且更有黑白朱古力交錯插喺蛋糕上面，視覺效果甚佳。
紅莓蛋白脆餅 HK$78
內有蛋白脆餅、淡忌廉、蜂巢脆脆等材料，並加入清新微酸嘅紅莓，甜酸度非常 balance，令蛋白脆餅不致過甜。
而尖沙咀店更新增意大利經典嘅瑪格麗特薄餅以及意大利番茄雞肉薄餅，非常適合嗜肉嘅人！
Jamie's Italian
網址：http://www.jamiesitalian.hk/
Facebook：https://www.facebook.com/JamiesItalianHK/
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
