包起「後花園」BBQ！

推出不久的 Backyard BBQ Brunch，逢周六及周日下午舉行，最少湊夠 8 個人及提早預訂，就可享受私人 BBQ time。

形式像外國人在屋企後花園 BBQ，有個大燒烤爐，邊燒邊歎，只是這裡毋需親自動手，一切由大廚代勞。雖然是 BBQ，但食的都是 quality food，因餐廳只用本地有機蔬菜、澳洲走地雞肉、澳洲 OBE 有機牛扒，而豬肉腸及水牛芝士更是自家製，可放心大啖食。

BBQ Brunch 餐包 3 款開胃前菜，例如意式麵包伴醃菜、意式雜菜沙律及自家製水牛芝士伴番茄，前菜全部可 refill，蔬菜都是時令出品，好新鮮；Ciabatta 麵包來自前四季酒店大廚開設的麵包工場 Bread elements，吃起來充滿天然麵粉香。未吃 BBQ 主菜，大可飲杯酒吃點前菜 warm up 吓。

大廚在旁密密燒，主菜有烤雞、烤牛扒及自家製辣豬肉腸 3 款食物。原隻雞上桌，醃味一晚再切件燒香，比普通雞肉嫩滑 juicy，兼有雞味。牛扒是 Hanger steak 部分，似牛柳般嫩，肉味濃，燒至 medium rare 最好。脆卜卜香腸，是自家以豬肉及香料炮製。

想來點燒蔬菜，必食「粟一燒」，本地粟米掃上辣椒蜜糖牛油，好惹味；清清哋的有燒茄子、翠肉瓜及燈籠椒等，奉上新鮮水果作結，甜美滿足。

自家製辣豬肉腸
脆薄腸衣內混合豬肉、蒜頭、辣椒、番茜及茴香籽等，燒得油潤惹味。

粟米伴辣椒蜜糖牛油
燒鮮甜本地粟米，掃上大廚調製的辣椒蜜糖牛油，邪惡但吸引。

Cascine Processo 任飲每位 $98
BBQ Brunch 的美酒優惠，汽酒清爽易入口，任飲最盡興。

Young master ales $88/杯、Villa maria sauvignon blanc $78/杯
同樣是 BBQ 良伴，本地手工啤帶麥香，有回甘；白酒有杏桃、蜜桃香味，果香濃郁。

意式雜菜沙律
內有青瓜、車厘茄、洋葱及沙律菜等，配油醋汁最開胃。

Linguini Fini
地址：中環伊利近街 49 號
電話：2387 6338

Backyard BBQ Brunch
供應時間：星期六及日 12nn-4pm
收費：$398/位，不設加一
備註：需 8 位或以上及 48 小時前預訂，最多可容納 12 人。

相關報導：
峇里 炭燒滋味
海灘備長炭「BBQ」

想睇更多？即上 中區 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！