最正係夜晚 9:30pm 後入座照價 8 折，11 點後 6 折，愈夜愈抵！
| 試食專員－陳國強師傅 本地名廚陳國強師傅、曾任東來順顧問總廚，於烹飪比賽節目《大廚出馬》獲總冠軍，經常為飲食節目擔任嘉賓主持，對中菜非常熟悉。 |
海鮮選擇
逾 30 款選擇，澳洲龍蝦、阿拉斯加蟹、日本大元貝及南非鮑魚等，基本都有齊。設有魚缸放滿海鮮，多數逐隻或每両計，現場即點即磅，明碼實價夠均真，有任何問題仲可以即刻換。可選清蒸、蒜蓉、薑蔥或蟲草花蒸，屬傳統酒家配搭。部分海鮮價錢特別吸引，例如游水龍蝦特價每隻$98，蟶子王、大魚頭、海花蝦也不貴。另備十多款自助醬料，XO 醬、剁椒、沙茶醬等齊備，似打邊爐。
| 陳師傅 Comment：海鮮選擇豐富，生猛新鮮，仲有得自己揀完即秤，幾熱鬧。陽光蠔質素唔錯，蒸完都漲卜卜又夠爽甜，好食過桶蠔。海鮮以金銀蒜或薑葱蒸，惹味，味道似傳統中式酒家出品。 |
其他配料
蒸餸選擇最多，蟲草花蒸雞、肉丸、肉蟹糯米飯、南瓜排骨、薑汁酒花膠、薑蔥豬雜、白胡椒豬脷、蒜蓉勝瓜、梅菜蒸芥蘭等三十多款，就連馬拉糕和蒸花卷點心也有，再加上秋冬推出蒸鍋小菜，例如瑪卡東山羊煲、瑪卡石鍋清遠雞、石鍋野生海斑，似吃煲仔菜，新鮮滾熱辣，菜式最豐富！
| 陳師傅 Comment：好多款蒸餸選擇，馬拉糕做得幾鬆軟，唔錯！食蒸海鮮之前又可以食瑪卡羊鍋，秋冬夠滋補。 |
粥底
以日本珍珠米、新鮮排骨、南瓜去煲。（ $60/細、$100/中）
| 陳師傅 Comment：草帽鍋蓋相對較花時間煲粥，加了南瓜和排骨去煲，有海鮮味又帶點甜。 |
環境
中式酒樓格局，大廳以圓枱為主，亦有部分卡座，枱面已鑲嵌蒸氣鍋爐，用上陶瓷鍋及雲南籐製鍋蓋。旺角道總店有部分枱用上最新版本連計時器的蒸爐，部分仍是使用上一代版本，另備計時器。裝修簡單企理，以酒家來說，座位不逼狹。
| 陳師傅 Comment：傳統中式酒家，啱一家大細幫襯。有酒家魚缸養海鮮，又有自助調味料吧，成個感覺都貼近火鍋店。 |
總評：
海鮮價錢和水上人差不多，算合理。如果宵夜時段 6 折幫襯，真係抵到爛。海鮮選擇豐富，質素幾好﹔做法偏向中式，較傳統。勝在花款夠多，不只吃海鮮，仲有好多蒸、蔬菜和點心揀。
潮福蒸氣石鍋
地址：旺角道 1 號壹號商業中心 1 樓
電話：2392 3396
營業時間：6pm-4am
收費：現金及信用卡，設加一，醬油 $12/位，另小食 $10-$20/枱
交通：旺角港鐵站 A2 出口
泊車：棕樹街 $8/hr
平均消費：$350
備註：宵夜特價時段，暫未定結束日期。
相關報導：
解構：大熱蒸鍋！
人氣蒸鍋逐間評！
皇朝 蜑家私房貝類最強
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
