安坐工作崗位，都可以歎個自家製甜品，工作累了吃一口甜，叉一叉電，係喺辦公室坐監的一絲溫暖。
老闆娘 Rita 是荔枝角街坊，有見區內群組有人說區內沒有甜品店，做開人事管理的她，決定創業，她說：「我們主打糖水、奶凍之類，是大家熟悉的款式。我們不走高檔路綫，價錢大眾化點，食客開心，呢度地方細，主要做外賣。」要控制租金成本，也不將貨就價，奶凍用北海道 3.6 牛乳燉，杏仁糊、豆漿、豆腐花、紅豆沙等，每朝新鮮做。每天開店前，廚師會預先準備，像杏仁要先烘香，再攪拌隔渣；黃豆要浸過夜，每日鮮磨，再以蒸汽煲煮豆漿，溫度控制得好。薑汁也以老薑鮮磨，煲出味後隔渣再用，加入豆漿和豆花中，辣辣的很暖身，吃得出真材實料。
「幾位廚師都是甜品店出身的後生仔女，有點經驗，最重要是有衝勁又有創意，有好多創意作，例如紅豆流心奶凍、好立克木糠布甸，佢哋自創的，客人都好鍾意，紅豆流心奶凍更已變了招牌甜品！」Rita 說。老闆娘也有諗頭，例如薑汁豆漿加配湯丸、蘆薈豆漿等，健康輕盈，OL 們想吃甜又怕膩，在這裏有不少好選擇。
舖頭也細心，想點外賣的客人都吃到熱辣辣的甜品，特別訂製了保溫袋，柯打送到時，糖水也保持溫熱，送外賣也要做到專業感覺。甜品款式簡單，選擇多，沒有相機食先的超靚賣相，但啖啖住家味道，吃一口很窩心。新張期內有優惠，由現在至 2 月底，全部有 9 折，外賣自取 85 折，街坊們值得一試。
紅豆流心奶凍 $34、原味 3.6 牛乳奶凍
以糖水煮過的紅豆蓉，雪成冰加入奶凍中。奶凍質感超滑溜，奶味香而不太甜，伴着紅豆茸甜香剛好。
綠茶提拉米蘇木糠布丁 $34（前）、好立克木糠布丁 $32（後）
木糠布甸共 5 款口味，綠茶 Tiramisu 加入抹茶粉和 Mascarpone 芝士，好立克口味的忌廉混入好立克，味道不錯，少少美中不足是稍嫌瑪麗餅粉略多。
西米布甸 $30
蛋、椰汁、奶味並重，焗得夠香，簡單好吃。
薑汁豆漿 $18（加小丸子 $22）
加入鮮磨薑汁的豆漿，用加拿大黃豆每日現煮，薑味香、辣度適中，可選配小丸子或湯丸。
紫米露豆腐花 $24
勝在豆腐花是每日自家製，頗香滑，紫米露用料足。
原盅椰皇湯丸 $40
有柯打才即製，以鮮奶加椰青水即煮湯丸，還吃到小丸子及椰皇絲，香甜豐富，熱賣之一。
隨心甜品
地址：長沙灣道 889 號華創中心地下 2 號舖
電話：3426 4920
營業時間：12nn-8pm
備註：外賣速遞請早 1 小時下單，last order 為 7pm，貨到付現款
相關報導：
agnès b.甜品師 追夢小店
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
