幫大家精 pick 猴年賀年送禮 ideas，有趣味曲奇、貴氣蛋卷、賣相精緻日式糕點，梗有一款啱心水。
鋒味農曆新年鋒味禮盒 $268
近年見霆鋒揸鑊鏟多過揸結他，甜、酸、苦、辣四味曲奇大賣，趁新年推出特別研製 4 款「港式」口味曲奇，包括芝麻、柑桔、咖啡，以及最趣怪的「蝦條味」！食落真的以為自己食緊蝦條！每種口味各有 4 包，隨盒附送 8 個限量版「好意頭」利是封。
鋒味 by Beyond Dessert
地址：中環結志街 49 號
電話：2680 0036
祝‧萬紫千紅 $368 (50塊)、$198 (29塊)
藝人陳敏芝的曲奇餅品牌出品亦富口碑。新年限定禮盒「祝‧萬紫千紅」中，有新年限定口味「藍龍蝦曲奇」，曲奇本身混入了本地蝦乾及櫻花蝦，再配上用分子料理技術製成的法國藍龍蝦粉，龍蝦味好突出！禮盒入面還有鯷魚、金鑽松露、紅莓水果茶、番茄等共 11 款特別味道。
Blesscuit Bakery
地址：天后電氣道 35 號凱旋大廈 B 座地舖
電話：2782 1778
粉紅色雙味方罐禮盒裝 $178 (24塊)
星級整餅達人古巨基及太太 Lorraine 開設的餅店，農曆新年推出應節的中式傳統口味，更加搵到米芝蓮推介食肆蘭苑饎館，即是Lorraine 的父母合力研製桂圓紅棗味曲奇，食落有陣陣紅棗香，好似飲緊桂圓紅棗茶。
Alice Wild – Luscious
地址：中環鴨巴甸街 35 號 PMQ 元創方 Hollywood 1 樓 H102 舖
電話：2838 1314
春節日曆 $550
聖誕節有 Advent Calendar 陪住倒數，點解農曆新年唔可以有？半島酒店的春節日曆就滿足到一班鬼仔性格的朋友，盒上面設有正月初一至元宵佳節 15 個小格子，按日子每日打開一格，就可以揭曉入面收藏咩小食，有半島朱古力、果汁糖、不同口味的曲奇、puff、鳥結糖等，每日食一款，充滿期待感！
半島酒店
地址：尖沙咀彌敦道 19-21 號半島酒店
電話：2696 6969
阿鴻曲奇 $168
賣滷水賣到出晒名的阿鴻小吃都出曲奇餅！靈感來自店內的招牌撈麵的辣味櫻花蝦曲奇，在牛油曲奇內加入招牌的自家製 XO 醬、日本櫻花蝦、櫻花蝦油、瑤柱及辣粉製成，未打開包裝都已經聞到陣櫻花蝦味，食落又辣辣哋好惹味，亦有不辣的原味選擇。
阿鴻小吃
地址：觀塘鴻圖道 83 號東瀛遊廣場地下 A 號舖
電話：3107 4111
日本櫻花水晶糕 $318 (6 件)
日本糕點不單以精緻賣相取勝，就連味道都十分討好，用來送禮應該無人投訴。森川 MORIKAWA推出 4 款日式糕點賀新年。日本櫻花水晶糕頂部是包着日本櫻花，底部則是椰汁糕，有淡淡的櫻花及椰汁味，唯美的造型相信可以迷到少女。
年年有魚 桂花椰香凍 $198 (6 件)
大時大節一定見到代表吉祥的鯉魚，鯉魚造形狀的椰汁糕內加有清香的桂花，配一杯綠茶就最夾！
森川
地址：金鐘海富中心 2 樓 90 號舖
電話：2779 9780
新年曲奇禮盒 $218 (12 塊)
福袋造形的曲奇，用了牛油、低筋麵粉、蛋、糖、鹽製成，人手製造，不下防腐劑，每塊曲奇上面都印有心想事成、蜜運成功、身體健康等 7 款祝賀語句。
Cookie's Tale
Facebook：Cookie's Tale
金猴金箔蜂蜜蛋糕 約 $165 ( 2,480 日圓)
網店 Oisix 繼去年推出羊咩咩金箔蜂蜜蛋糕，今年再出金猴版，沿邊褪去外層蛋糕就可以見到 3 隻可愛金猴，貴氣逼人。蜂蜜蛋糕由日本著名菓子品牌製作，用上 eguro wild 雞蛋製造，蛋糕金黃富雞蛋香，成嚿金咁樣仲好好意頭。
Oisix
網址：hk.oisix.com
備註：最遲要於 2 月 4 日 10am 落單，可於新年前取貨，消費滿 10,000 日圓，運費全免。
(原文摘自 U Magazine ISSUE 531)
歡迎你 like 我哋 U Food Facebook Page / U Food Instagram ，取得我哋更新更快嘅資訊！
