連塊自家製漢堡都搞鬼過人，以牛肉、雞肉及豬肉混合搓成，味道有齊 3 種肉的風味，好特別！餡料亦可另揀烤雞肉，選用肉質較嫩的法國雞胸，餡料可配埋芝士同煙肉。
除此之外，仲有好幾款新出過癮鹹味窩夫，一款釀了啤酒汁燉手撕豬肉；另一款釀了印式雞肉，即叫即釀製，暖笠笠，用長方盒盛載，方便拎住行街食。沙律又會配塊窩夫烤餅，用類似 pita bread 的餅烘成窩夫形狀，幾鬆脆。不嗜甜的人也可 enjoy 窩夫樂！
芝士饅頭窩夫漢堡 $58
窩夫 look 饅頭幾鬆脆，漢堡混合牛、雞、豬肉，三者味道不相伯仲。茄醬底加了幾種香料調教，包括紅椒粉及荳蔻，帶朕香料幽香。
香烤雞肉煙肉芝士饅頭窩夫漢堡 $68
內裡配了兩款醬，一款微甜的 BBQ 汁，另一款芥末醬，由欖油、蒜、洋葱混製成，香口醒胃。
窩夫烤餅沙律伴巴馬火腿 $90
番茄青瓜雜菜沙律，伴上忌廉芝士，配以自家製蘋果麵豉沙律醬，甜甜酸酸，不妨將窩夫烤餅撕碎撈勻食。
比利時佛蘭德風味豬肉暖心窩夫 $62
醬汁以啤酒、芥末及麵包煮成，濃郁甘香，手撕豬肉燉至軟腍入味。
Waffills
地址：銅鑼灣禮頓道 124 號地下
電話：2613 9600
營業時間：12nn-11pm
備註：推廣期間，購買任何饅頭窩夫漢堡，可以半價購買比利時窩夫一客。
(原文摘自 U Magazine ISSUE 533)
想睇更多？即上 銅鑼灣 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
