呢間舖，喺新興食街希雲街，大家睇下下面杯咖啡，咖啡師話係我個嘜頭嚟，係咪好 Cutie 先？呢啲咁萌嘅 idea 嘅，係咖啡師 Hymas，明顯佢係細心暖男嚟，佢斯斯文文唔講嘢，但係心裏面有好多諗頭，之前大熱嘅怪獸毛毛藍色 latte、大眼仔綠茶 latte、紫薯嘮蘇 latta 同香蕉味嘅梳乎蛋哥 latte，全部都出自佢手。款款萌系指數爆錶，唔少少女為之瘋狂，個個相機先飲。
Hymas 對 latte 特別鍾情，就係貪佢可以拉花變出唔同嘅造型。今期佢向難度挑戰，將拉花推向 3 dimensional。紫色代表浪漫，浪漫上面仲要有隻超可愛的貓貓，識 do嘅男士幫女神 BB 點呢杯紫薯 latte，保證你年尾唔會過 lonely Christmas。
雖然呢度嘅咖啡相當矚目，但我試過佢哋啲嘢食都唔錯㗎！佢哋啲 egg benedict、意粉同沙律都係即叫即製的，好似 egg benedict 咁，佢哋好有創意，唔係一味只配三文魚，配咗鹹香味十足嘅巴瑪火腿，成件事輕怡晒，效果又唔錯喎。佢哋嘅法式多士同 lava cake 都不錯，大家都知，呢啲甜品即叫即製好重要，佢哋真係做到喎，塊多士上枱真係仲係脹卜卜，又好有蛋香，心太軟漏心又滑又濃，用佢嚟配呢度嘅 special latte，真係絕配，僅祝各界毒男嚟呢度都成功搵到你哋嘅絕配啦。
Cafe R&C
地址：銅鑼灣希雲街 22 & 24 號地舖
電話：2890 9838
營業時間：星期一至四及日 11am-10pm，星期五至六 11am-12mn
歡迎你 like 我哋 U Food Facebook Page / U Food Instagram ，取得我哋更新更快嘅資訊！
