舖頭其實係一間「鳥串燒」專門店，主打雞串燒，用的是每日運到舖、新鮮劏的廣東三養雞，不用冰鮮雞或雪雞，原因是跟足日本燒鳥店傳統，也因為不想定價太高而棄用日本雞肉。三養雞最大優點是肉汁豐富，而且肥瘦比例約為 4:6，雞皮薄身不會黏着太多脂肪，師傅話燒出來皮脆肉嫩效果媲美日本雞隻，主要用雞胸及雞髀兩個部分。
雞肉每日回店自家醃味，必試其免治雞肉棒，雞髀肉刴碎後加入葱、軟骨，臨燒時才搓成棒狀，鬆化富油香，連配搭的都是蛋味甚濃的日本生雞蛋；這裏還有雞火鍋及雞釜飯，兩者都以熬足 3 小時的三養雞湯煮，再配自家製雞肉丸做，後者以雞湯、高湯加日本久保田米、日本靈芝菇製。
舖頭請來日本殿堂級串燒師傅清水誠來港主理，這裏主要做汁燒及鹽燒，燒汁更是他從日本帶過來的，跟中式滷水膽一樣，浸製串燒，放得愈陣年，愈香肉味。舖內也有西日風雞尾酒、壽司、日本啤酒等，幾啱放工來放輕鬆。
盛滿壽司 $138
大堆頭的日本吞拿魚蓉，加上北海道三文魚子、海膽做，食材來源矜貴，但價錢中等，性價比不俗。
名物脆炸半身雞 $148
雞用清酒、醬油及胡椒等醃 8 小時，先炸 14 分鐘後起鑊讓餘溫繼續煮雞肉，保留肉汁，臨上枱時再炸，便能做出皮脆肉汁多的效果。
秘伝雞肉火鍋 $138
火鍋用的雞湯以 4-5 隻雞、蔬菜及醬油等煲 3 小時，配柚子胡椒煮雞肉丸、雞肉、大葱及蔬菜等，看似好清，但雞肉味鮮甜。
Firebird 雞肉串燒盛合 $128
一碟 4 款的雞肉串燒，有大葱雞肉串、雞肉串及免治雞肉棒等，配日本生雞蛋。
「お通し」季節前菜（免費供應）
大廚每日會做 4-5 款前菜任客人選擇，近期供應汁煮牛肉、築前煮、油甘魚煮、雞肉燉大根及清炒牛蒡等。
Mt. Fuji $98
這杯以富士山作靈感，以清酒作基調加上荔枝酒，特別設計來配刺身。
GreenSabi $98
配串燒喝的有這杯以 wasabi 加上青瓜的 cocktail，清新可用來間場清清口腔。
Firebird
地址：銅鑼灣邊寧頓街 13 - 15 號地下
電話：2386 5218
營業時間：12nn-3pm、6pm - 12mn
收費：現金及信用卡，設加一
交通：港鐡銅鑼灣站 F1 出口，步行 7 分鐘
泊車：禮頓中心 $28/hr
平均消費：$200
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
