因為 Yamm 今個月以泰國美食為 buffet 主題，最最最大亮點係 Yamm 搵嚟泰國著名食府 Blue Elephant 炮製多款泰國地道菜。除此之外，Yamm 更有傳統泰國舞蹈 show，食 buffet 好似玩 party 咁開心！
即刻介紹美食，有香炒豬腩豆角配 Blue Elephant 紅咖哩醬、綠咖喱雞肉、脆魚配泰國青芒果、椰子紫莓香米配香葱牛肉、泰國木瓜沙律、芒果糯米飯、泰式辣椒醬焗魚、香辣紫莓香米香草沙律、香辣椰子雞湯、咖哩牛肉配蕃薯及花生、千層糕、椰汁西米糕、南瓜吉士、即炒泰式河粉、即切豬頸肉伴辣酸子醬、香草冬蔭功湯、新鮮搗碎木瓜沙律、冬蔭蛋糕等等等等。芒果糯米飯很出色，recipe 來自 Blue Elephant，夠正宗，來自泰國嘅芒果夠清甜，與軟糯嘅糯米飯同吃係真‧perfect match！
至於其他美食都非常吸引，一嚟就見到龍蝦山，餐廳更特別以原隻美國波士頓龍蝦呈上，視覺夠澎湃。雖然要自己努力拆肉，但肉厚彈牙，食兩隻都抵晒！還有即開生蠔、即製壽司及刺身、各國芝士、風乾肉類、抹茶朱古力噴泉、黑芝麻湯丸、等等。
泰國饕宴自助晚餐
供應日期及時間：即日起至 4 月 30 日 6:30pm-10pm
價錢：星期一至四 成人 HK$668/位、小童 (3-11 歲) HK$398/位；星期五至日及公眾假期 成人 HK$718/位、小童 (3-11 歲) HK$428/位
* 每位客人可享 1 杯蝶豆花青檸汁、泰國羅勒籽香茅特飲、泰式奶茶以及 Monsoon Valley 餐酒
* 另設加一
* 泰國傳統舞蹈表演將於 4 月 10 日登場
Yamm
地址：尖沙咀彌敦道 118 號 The Mira Hong Kong 大堂
電話：2315 5111
營業時間：6am-12mn
想睇更多？即上 自助餐 / 尖沙咀 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
