新店依舊由昔日 Quemo 總廚、西班牙籍的 Martin Carrasco 坐鎮，餐牌逾半都是海鮮菜式，像帶子、油甘魚、紅蝦……既有經典地中海食法，亦不乏融入 Martin 創意的新派菜。Martin 認為，海鮮最重要的當然是吃鮮味，「but I like to add a bit more flavor to the ordinary seafood」，好似其中幾款可在店子 Seafood Bar 見到的貝殼類海產，經他輕輕加工點綴，真有畫龍點睛的驚喜。
以生蠔為例，雖然目前只有 Galician 一款選擇，坊間卻不多見，質素也叫人眼前一亮 — 這隻產於西班牙北部海域 Bay of Coruna 的生蠔，口感非常 creamy ，鹹度低又帶少少礦物味，Martin 只輕輕加點 extra virgin 橄欖油及香草，creamy 度再提升至另一層次，即時如雪糕般滑入喉嚨。另外，Martin 也愛用本地食材，附近就有灣仔街市，他一星期去足幾次，店裡拳頭大的蜆及鮮味重的帶子都是本地街市搜羅的新鮮貨，兩者同是煮至半熟再輕輕用白酒或些利酒及蔬菜粒等調味，鮮活地吊出了鮮味，比單純的 seafood platter 出色得多。
多元化的創作菜式與秘製家傳菜
Martin 的創意，也可在其他海鮮主菜上體現出來。其中一款甚具代表性的是野生三文魚，他就先將皮起掉，再把由 rosemary、parsley 等多款香草加牛油與麵粉調成的醬鋪上魚身輕煎，上碟時拌以自家製他他醬及西班牙入口的煮紅椒﹔至於魚皮也沒浪費，煮過、風乾、再做成帶本土色彩的迷你版炸魚皮放到三文魚塊上，每一口吃起來都有不同變化，同時又不會掩蓋魚本身鮮味。店子也供應兩款 surf n turf 菜式，卻不是一般餐廳常見的大蝦配牛扒或豬扒的悶蛋組合，而是來自 Martin 家族的 secret recipe，其中一款以加拿大龍蝦 crossover 巴西春雞，再配上由多款果仁及茄醬做的醬汁與上湯及雞心豆同煮，海鮮與家禽的鮮香甜味互相滲透，味道非常和諧。
Galician Oysters $68
來自西班牙北部海域，只簡單加點 extra virgin 橄欖油，食落非常 creamy，帶礦物味，鹹度輕淡。
Scallops, Espelette Pepper $88
選用本地的帶子，拆肉後輕輕煮至半熟後再以白酒、青椒粒、法國微辛的紅辣椒粉 Espelette pepper 調味，食落外香內嫩，鮮味十足。
Empress Clams $48
用本地蜆，size 卻接近拳頭大小，煮至半熟再以些利酒、青椒粒等調味，蜆肉厚肉鮮甜，加上索滿酒香，非常好吃。
Huelva Red Prawn $188
西班牙紅蝦比手掌還要大，加入蒜蓉、芫茜等煎香，再加埋由茄醬、合桃、杏仁、榛子等打碎而成的 romesco 醬汁，濃香惹味。
Hamachi Ceviche, Mango, Aji $98
日本的油甘魚經青檸、檸檬汁等醃過，口感介乎魚生及熟魚肉之間，再加埋菲律賓芒果肉及秘魯菜常用的胡椒調味 Aji，食落清酸醒胃。
Wild Salmon, Crispy Skin, Tartara $188
新西蘭野生三文魚切件後去皮再塗上由牛油及雜香草調成的醬再煎至半熟，肉質軟嫩，上面加上幾小塊自家炸魚皮，還配上西班牙煮紅椒及自製他他醬，味道非常有層次。
Lobster, Spring Chicken, Chickpeas $218
Martin 家族拿手菜，將近半隻的加拿大龍蝦及半隻雞先後用同一隻鑊輕煎，再加埋上湯及用茄汁及大量果仁打成的 Romesco 醬及雞心豆同煮，入味好吃。
QMO
地址：灣仔船街 J Senses 地下 4 號舖
電話：2836 0699
營業時間：12nn-3pm，5pm-11pm
收費：現金及信用卡
交通：灣仔港鐵站 B2 出口
泊車：合和中心 $20/hr
平均消費：午市 $150 、晚市 $400 （設加一）
想睇更多？即上 灣仔 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
