一年四季都供應韓式刨冰啲 Nun,嚟到夏天搵咗夏日果王榴槤坐鎮,融入招牌嘅韓式雪奶及窩夫。榴槤忠實粉絲必試「榴摙白雪丸子雪奶」,牛奶冰底刨成嘅刨冰質地幼細富奶香,在刨冰面加入 D24 榴槤蓉、榴槤粉及一球呍呢嗱雪糕,再伴以自家製嘅白玉丸子,整體口感好 soft、榴槤味好濃郁。
另一款榴槤甜品「榴槤鐵塔」,即叫即製的窩夫上抹上 D24 榴槤蓉,再逐層灑上榴槤粉及煉奶。榴槤蓉伴熱辣辣的窩夫一齊食,味道更香更濃!窩夫頂仲放有一球士多啤梨味,而扮鐵塔嘅雪糕筒入面仲放咗朱古力粒,當拎起雪糕筒時,朱古力粒即四散,好surprise!
唔食榴槤有乜選擇?水果大集匯又啱唔啱?「流心窩蛋雪奶」於刨冰面鋪滿芒果、士多啤梨、哈密瓜、香蕉及韓國年糕麻糬。最特別是用咗分子料理方法製作水果上面嘅「雞蛋」,甜品師用咗芒果做蛋黃、椰汁及牛奶做蛋白,食時將「蛋黃」弄破,芒果汁即時湧出,玩味十足!
甜品店還有一款最啱影相呃 like 嘅甜品「脆脆七色彩雲」,呍呢嗱軟雪糕圍上一大舊藍色棉花糖、軟雪糕沾上彩色脆片及脆波,咁 colour 嘅甜品,睇見心情都靚晒!
榴摙白雪丸子雪奶 $68
牛奶刨冰面加入 D24 榴槤蓉、榴槤粉及一球呍呢嗱雪糕再伴以白玉丸子,榴槤味好濃郁。
榴槤鐵塔 $68
即叫即製的窩夫上抹上 D24 榴槤蓉,再逐層灑上榴槤粉及煉奶。窩夫頂仲放有一球士多啤梨味,雪糕筒入面仲放咗朱古力粒。
脆脆七色彩雲 $45
呍呢嗱軟雪糕圍上一大舊藍色棉花糖、軟雪糕沾上彩色脆片及脆波,咁 colour 嘅甜品,睇見心情都靚晒!
流心窩蛋雪奶 $72
刨冰面鋪滿芒果、士多啤梨、哈密瓜、香蕉及韓國年糕麻糬。仲用咗分子料理方法製作水果上面嘅「雞蛋」,芒果做蛋黃、椰汁及牛奶做蛋白,玩味十足!
海洋荒島 $42
藍色嘅飲品係荔枝味沙冰加呍呢嗱雪糕,好似望住個海咁!
大魔王朱古力窩夫 $62
Nun Desserts Cafe
想睇更多?即上 甜品 特集!
歡迎你 like 我哋 U Food Facebook Page / U Food Instagram ,取得我哋更新更快嘅資訊!