大坑的 LOOOOP, 出晒名可以連雪糕、包裝紙、雪糕杯都可以食落肚！最近雪糕店換上新menu，推出4款全新的雪糕款式！大家可以繼續食紙、食杯、食雪糕之外，仲可以將整個奧斯卡小金人吞落肚，啱晒要相機食先的你！
上年暑假進駐大坑的 LOOOOP，開業不久即以「食紙」雪糕成功成為人龍店！今年初夏，雪糕店都玩新意思，轉一轉個 menu、keep住個新鮮感！4 款新雪糕分別以招牌的 Blue Moon 口味及 Chocolate Hazelnut 口味做 base，一身 Tiffany Blue 嘅 Blue Moon 雪糕，靈感來自海洋，亦是是雪糕店自家研製的口味，帶點乳酪的酸，好醒胃！而 Chocolate Hazelnut 則用上意大利的朱古力醬製作而成，可惜奶味太濃，蓋過朱古力味！每杯雪糕面再加上可食用米紙做的 toppings、朱古力及蛋白餅做裝飾，款款都走視覺系浮誇路線，全部是相機先食兼放上網 呃like 之選！
TGIF $50
Blue Moon上插滿火柴、紅唇等米紙，雪糕頂的香煙則用咗雲尼拿味米紙卷着朱古力條。
OOOPS! $55
好大舊便便呀！便便其實是蛋白餅製成，雪糕面加上士多啤梨味朱古力醬及棉花糖，雪糕杯則是玫瑰味，呢個便便雪糕味道又幾清新啵。
WOW $58
Chocolate Hazelnut味雪糕放於黑椒味的曲奇杯內，再以朱古力片、金色朱古力珠等裝飾，仲有一個用朱古力整成的奧斯卡獎座，浮誇到WOW一聲！
UFO $58
外星人登陸雪糕店！雪糕杯換上Nutella味，Chocolate Hazelnut雪糕上插咗一枝甜筒，原來外星人會用甜筒襲地球！
Loooop
地址：大坑浣紗街 2A 地下
電話：8192 8815
營業時間：12nn-12mn
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
