首先要介紹香港獨家推出嘅港式鴛鴦芭菲 (HK$78)、豆腐花x芒果芭菲 (HK$78)、楊枝甘露芭菲 (HK$78)、日本蜜桃芭菲 (HK$120) 呢 4 款芭菲，主打推介港式鴛鴦芭菲，以本土名物奶茶加上咖啡啫喱製成鴛鴦口味。而日本蜜桃芭菲亦是小編必食之選，食材簡單但 cafe 花咗不少心思，以一整個日本蜜桃去做出一杯蜜桃芭菲，啖啖鮮甜蜜桃果肉，夠抵食。不過呢 4 款芭菲每日每款只限 20 客，所以想食就要早啲要排隊啦！
跟住推介日本人氣芭菲 Top 3：Tiramisu 蛋糕士多啤梨朱古力芭菲 ($76)、宇治抹荼芭菲 ($68) 以及心太軟芭菲 ($78)。除咗用上鮮甜多汁嘅佐賀縣士多啤梨、士多啤梨醬、鮮忌廉、雪糕、栗米片、餅乾條等，更吸引嘅係有香濃又鬆軟嘅 Tiramisu 蛋糕，濃郁嘅咖啡味中和芭菲嘅甜膩，配搭得非常好，絕對係必食 item！
UFUFU cafe 更特別推出生日芭菲，啱晒一眾鍾意新嘢嘅朋友仔，order 此芭菲可享免費朱古力牌寫字服務，仲幫你插埋煙花蠟燭，氣氛一流！設超級鮮果芭菲、超級和風芭菲 2 款，價錢為 HK$298。
除咗芭菲、甜品，UFUFU Cafe 仲有鹹食供應，多為西日料理，例如每日限定嘅流心芝士漢堡扒 (HK$108)，一鋸漢堡扒，芝士緩緩地流出嚟，極具視覺效果。
UFUFU Cafe
地址：尖沙咀金馬倫道5號太興廣場5樓
電話：2711 6117
營業時間：12nn-11pm
相關報導：
香港未有！過澳門試食芭菲先！
九州芭菲大王 首度來港！
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
