幫懷舊港式零食返老還童的甜品店,是位於荃灣的「Ideas Dessert 」,最近與於 1958 年創立嘅華園食品合作推出一系列限定甜品。諗出咁有創意的正是甜品店的老闆 Parco,最初華園想將齋燒鵝加入雪糕上,可怕齋燒鵝味道完全蓋過雪糕,完全唔夾!但 Parco 唔想放棄同華園合作,於是為品牌度身訂造 3 款全新甜品。
「櫻花薯下」是 Parco 最滿意嘅作品,以紫薯布甸做底,加 3.6 牛奶雪糕及紫薯吉士醬。中間放一層牛油蛋卷碎,頂層的牛奶雪糕面再放上蜂辣花生,並以櫻花蝦脆片作點綴。雪糕的甜可以中和花生的辣味,以為牛油蛋卷碎到好似沙咁會無乜味?點知夾埋雪糕食,牛油味竟然好突出,仲滲有點點蛋香,好有驚喜。
另一個估你唔到嘅甜品「香芒齋燒鵝班戟」,將芥辣齋燒鵝、芒果粒及忌廉芝士用班戟皮捲好,芒果中和了齋燒鵝那霸道的芥辣味,整個配搭都好特別。「IDEAS 3 吋鬆鬆餅」於約吋厚的鬆餅內混入豬肉鬆及沙嗲豬肉片,淋上自家製的海鹽焦糖糖漿或芒果糖漿,鹹香過癮。
櫻花薯下 $48
牛奶雪糕質地幼滑,加紫薯布甸、紫薯吉士醬,中間放一層牛油蛋卷碎,頂層再放上蜂蜜花生及櫻花蝦脆片,鹹甜與香辣、幼滑與脆口,多種口感及味道一次過食晒。
香芒齋燒鵝班戟 $42
淨食齋燒鵝會覺得又乾又硬,而且芥辣味不是人創都接受。但將齋燒鵝整成細粒,與芒果及忌廉芝士捲入班戟內,味道變得易接受。
IDEAS 3 吋鬆鬆餅 $48
鬆餅表面無特別,一切開就可以見到豬肉鬆及沙嗲豬肉片,配自家製的海鹽焦糖糖漿或芒果糖漿。
Ideas Dessert
地址:荃灣荃貴街10A號富麗花園商場A座地下13B及15號鋪
電話:3791 2128
營業時間:星期一至四 1pm-12:30am、星期五至日及公眾假期 1pm-1am
文:Jessie、攝:Ki
歡迎你 like 我哋 U Food Facebook Page / U Food Instagram ,取得我哋更新更快嘅資訊!