Candy Shake 最新推出的芝士啫喱花杯，可以將幾個花杯扎成花束。負責人朱小姐教路，6 至 8 枝花杯扎出嚟效果最靚，而且唔會收你花紙、扎花嘅費用！不過記得要預早兩日 order！即睇啫喱花杯有咩味揀啦！
玫瑰牛奶芝士花杯 $32/ 堂食、$36/ 外賣
粉紅色的玫瑰味花杯，賣相已經迷到少女。底層是玫瑰味啫喱，入面仲有啲玫瑰花瓣。啫喱上面是北海道芝士慕絲、海綿蛋糕、玫瑰味椰果、士多啤梨朱古力碎。最頂層再唧上北海道芝士慕絲及金色朱古力珠。一次過食晒 6 層，先食到芝士慕絲的味道，然後再滲出陣陣玫瑰花香，花味不會太假！
可可抹茶芝士花杯 $32/ 堂食、$36/ 外賣
唔鍾意花味？有幾乎全港市民都喜歡的抹茶味！最底層的抹茶奶凍用了日本抹茶粉製作，茶味突出但不苦澀。配北海道芝士慕絲、海綿蛋糕、朱古力脆脆等，口感豐富！
黑糖咖啡芝士花杯 $32 /堂食、$36/ 外賣
咖啡啫喱底層，再配配北海道芝士慕絲、海綿蛋糕，最令人驚喜的是用了沖繩黑糖製成等啫喱粒，黑糖味濃而且甜度恰到好處，咖啡精小記至 like 呢款！
單枝買都得，仲有個盒載住個花杯！
Candy Shake
地址：旺角登打士街 55 號
電話：2110 9822
文：Jessie、攝：Brian
歡迎你 like 我哋 U Food Facebook Page / U Food Instagram ，取得我哋更新更快嘅資訊！
