蛋黃哥又出擊喇！今次唔係咖啡，唔係甜品，輪到月餅呀！你睇佢，化身月兔造型登場，cute 咗好多，不過一樣咁 hea！而家買月餅仲送「咪搞我個 pat」環保袋，粉絲點可以唔搶？
梳乎蛋月餅由鴻福堂推出，粉絲齋睇個盒已經會尖叫！化身月兔造型，有一對長耳朵，仲拎住楊桃準備過節㖭！最最最令人期待係隨月餅附送的梳乎蛋環保袋，梳乎蛋攤喺度，叫大家咪搞佢個 pat 喎！笑死人喇。咪以為佢人稱蛋黃哥，就一定出蛋黃月餅，禮盒內有燕窩楊枝甘露冰月和蘆薈楊枝甘露冰月兩款月餅，外皮冰涼軟滑，內餡足料兼食到啖啖果肉，作為賞用甜品一流。
睇下個盒，有雙 cute cute 耳朵嘅梳乎蛋捧住楊桃，好應節！
梳乎蛋「又到中秋啦~」禮盒（附有梳乎蛋環保袋一個）（4 個裝）$158
內有兩款月餅，每款兩個；燕窩楊枝甘露冰月，用咗菲律賓呂宋芒，粒粒芒果肉再埋清香泰國金柚，口感十足，驚喜位係加埋燕窩，清新又養顏；蘆薈楊枝甘露冰月，呢款就加入咗蘆薈，啖啖爽口。月餅面層仲有梳乎蛋造型，禮盒入面每款各兩個，大滿足！
鴻福堂
電話：2920 2206
註：月餅現暫以月餅券形式發售，稍後將有現貨推出
文：Cynthia.C、編：Yoyo、攝：Ray
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
