大家樂下午茶,最人氣喺炸雞髀及燒味湯粉 /瀨粉,今日去食,發現美式熱狗茶餐有全新口味—焦糖洋葱熱狗,可單配飲品,又或配牛油粟米、湯粉、酸辣湯、雞翼和沙律等,即刻試!
焦糖洋葱熱狗 $25(配茶、啡或汽水)熱狗 Size有一隻手掌咁大,麵包夠熱夠香脆。
熱狗餐有不同配搭供選擇。
呢款熱狗同以往好唔同,撇走番茄生菜的悶蛋配料,換上炒香咗嘅焦糖洋葱,一出餐已經聞到香噴噴!洋葱係用牛油慢炒至焦糖化,入口腍腍哋,既食到牛油甘香,又食到像焦糖般嘅香甜味!連埋香腸麵包一啖咬落去,洋葱香甜中和咗熱狗腸的鹹味,洋葱汁仲滲埋入去熱狗包度,加埋酸味沙律醬,好開胃惹味!當然啦,我係大胃王,一定會加一杯雪糕紅豆冰(套餐加 $5.5),呢個下晝先叫滿足!
焦糖洋葱香甜又惹味,同熱狗出奇地夾。
熱狗餐只須加 $5.5,就有雪糕紅豆冰,下午茶必食。
大家樂
地址:北角英皇道 560 號健威坊地下 U2 號舖低層地下 L40-L41 及 L53A 號舖
電話:2562 9776
文、攝:Theo
歡迎你 like 我哋 U Food Facebook Page / U Food Instagram ,取得我哋更新更快嘅資訊!