龍蝦當道 霸氣西班牙海鮮飯

門口超闊，好搶眼，內裏以黑色調為主，型格摩登，分酒吧位、用餐區，一大班人來食飯，更有間可容納 10 人的 VIP 房。

餐廳供應西班牙 Tapas，細細碟，暢飲最啱﹔大胃口的，亦有多款主菜，特別推介龍蝦版西班牙海鮮飯，一般版本有蝦有蜆有青口有魚，但呢個先將原隻波士頓龍蝦代替大蝦，賣相震撼！大廚更用上自家熬製的龍蝦湯來煮飯，龍蝦殼及蔬菜熬成兩、三個鐘，啖啖都是精華，用來煮西班牙米，吸收晒龍蝦精華，點會唔鮮甜？海鮮飯除有主角龍蝦，更有蜆、藍青口、八爪魚、紅鯛魚等，足夠 4 個人分享，人少少來吃，亦有個 regular size 海鮮飯，等你仲有胃納品嘗其他美食。

菜式新舊夾雜，但肯定都是佐酒佳餚，完全感受到西班牙人邊飲邊食的盡情，像去骨版西班牙 style 乳豬，精選美國嫩豬仔，每隻重 3 公斤，皮薄烤得脆卜卜，經慢烤炮製，肉質份外嫩滑，去骨版本更易食。黑毛豬火腿一般風乾 36 個月、48 個月，這裏更有 54 個月貨色，色澤更深，肉味更濃，片片柔軟甘香，吃罷更有回甘。

龍蝦西班牙海鮮飯 $438　
將西班牙海鮮飯來個變奏版，除了藍青口、八爪魚、紅鯛魚外，還有原隻成磅重的波士頓龍蝦，賣相震撼，還用上自家熬製的龍蝦湯煮飯，米粒吸收精華，混合青椒、洋葱及番紅花等，鮮味滿瀉。


西班牙燒乳豬 $248
選嫩滑美國乳豬，重 3 公斤左右，每客約有 1/4 隻，先用粗鹽、香草及白酒醃過夜，再慢烤，特別做成去骨版，方便大啖食。


西班牙黑毛豬風乾火腿 $198
足足風乾成 54 個月的西班牙黑毛豬火腿，比一般風乾 36 個月、48 個月的，色澤更深，肉味更濃，滲出橡果香。


八爪魚他他 $88
底層是甜菜頭粒，爽口清新，上層有混合煙燻紅椒粉的牛油果蓉，軟綿綿，面層片片八爪魚鬚，以攝氏 75 度慢煮 30 分鐘，軟中帶爽脆。


炭燒沙丁魚 $68
西班牙沙甸魚肉質結實，加點橄欖油及海鹽，再大火燒至皮脆，魚油滿滿，以多士伴吃，平衡味道。


可坐 60 人的型格餐廳，設酒吧，喝杯再開餐也可。

ROJO Tapas Bar & Restaurant
地址：天后木星街 3 號地下 B 舖
電話：2715 7777
營業時間：星期一至六 11:30am-3:30pm、6pm-10:30pm，星期日休息
收費：現金及信用卡，設加一
交通：港鐵炮台山站 A 出口
泊車：電氣道咪錶位
平均消費：午市 $80、晚市 $200

文：Pam、攝：May

想睇更多？即上 新餐廳 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！