值得喪排！48 元平絕海景丼！

造成場地失陷的主因，是一間平絕全港的定食店駕臨，市民為吃一碗有齊 13 件刺身的無敵海景丼而來，有街坊表示喪排 1 句鐘都係值得的。

這定食店，係全港人無人不愛嘅超抵吃壽司品牌爭鮮的旗下品牌，它比其外賣店及迴轉壽司低調，但毋忘品牌初衷，以平價抵吃贏民心，劃一價供應 8 款有飯、有味噌湯、有蒸蛋、甜品，白飯湯物仲可以任裝的定食。香港人一向識計數，10 個入來，一半以上揀識這款豪華嘅海景丼，全場最人氣就是它了。

以前在其他日本料理，$48 元吃到奀吱吱的角切雜錦丼已偷笑，所以人人見到這個包羅萬有嘅「海景丼」都會忍唔住笑呵呵。一碗有多種刺身片，包括越南熟蝦、挪威三文魚、日本帶子、日本帆立貝、希靈魚、蟹風味棒、台灣劍魚及蟹籽，數數飯面一共有 13 片刺身，比唔夠攝牙罅的角切版本過足口癮，這個分量同收費，實要喪排啦，但等一陣，值得。

豪華海景丼（包括漬物、味噌湯、蒸蛋及甜點）$48
這裏的定食，全部劃一 $48，不過以這款最為抵吃，丼飯配料有三文魚、劍魚、熟蝦、帶子、帆立貝、希靈魚及蟹風味棒，刺身會因為季節而轉換，務求吃來肥美。


綜合刺身 (另加 $20)
點定食，仲可以加錢點埋這個超抵吃的刺身盤，裏面有三文魚片、劍魚、希靈魚、阿根廷赤蝦及雜錦海藻。


蒸蛋及抹茶布甸 (隨餐附送)


自助區設白飯、味噌湯及蔬菜都是任裝，是飯量大的男士福音。


環境高檔，舒舒服服食刺身飯。

定食 8
地址：荃灣荃華街 3 號悅來坊地下 G10 號舖
電話：2419 0450
營業時間：11am-10pm
收費：現金及信用卡，堂食設加一
交通：港鐵荃灣站 B 出口，步行 10 分鐘
泊南：悅來坊 $24 hr
平均消費：$48
備註：新蒲崗 Mikiki 商場分店亦有供應

文：Sieg

(原文摘自 U Magazine ISSUE 558)

歡迎你 like 我哋 U Food Facebook Page / U Food Instagram ，取得我哋更新更快嘅資訊！