QQ 彈彈！紫薯抹茶 Mochi 月餅

東海堂今次推出咗雙式月餅，一盒各有三件「紫薯 Mochi 月餅」同「抹茶紅豆 Mochi 月餅」，6 件裝價錢 $288（零售價），計落每個平均 $50 左右， 有點貴喎，味道得唔得先？

先試「抹茶紅豆 Mochi 月餅」，標榜以日本特製抹茶粉炮製，配以甘香甜美的紅豆餡，食落外皮煙煙韌韌，夾在月餅中間的麻糬好彈牙，其後彈出的是紅豆甜香，繼而再嘗到抹茶香味，味道調和得好好。麻糬餡料的煙韌減退月餅的滯漏感，多重口感令人覺得似在吃甜品 x 月餅，好得意。

如果係紫薯 fans 就不要錯過「紫薯 Mochi 月餅」，濃濃紫薯餡真正落足料，啖啖有紫薯香又不會過甜，食晒成個都仲得。同樣地，中間一層麻糬餡料感覺 Q 彈，令月餅多一種層次。

最重要嘅係，雙式月餅包裝盒有日式花紋圖案，仲以紫色及綠色設計配合番主題，燙上金兔仔，好有和式感覺，又靚又得體，自用送禮都好掂呀！

月餅盒顏色及包裝都係日式設計，仲襯返抹茶及紫薯顏色，好靚，妹子中女熟女媽媽婆婆都大愛！


兩款月餅中間都有 Mochi 麻糬，咬落口感好煙韌，中和返月餅容易滯口的感覺。

東海堂雙式月餅（抹茶紅豆 Mochi 月餅及紫薯 Mochi 月餅兩款口味，共 6 件） $288

售賣點：全綫東海堂
電話：2739 1328
註：即日至 9 月 8 日止，用匯豐信用卡簽帳可以每盒 $172.8 購買。

文：Celia、攝：Keeyau

歡迎你 like 我哋 U Food Facebook Page / U Food Instagram ，取得我哋更新更快嘅資訊！