（左起）海鮮杯盛 $18、三文魚杯盛 $15、鰻魚杯盛 $15
睇外觀，杯裝壽司的廣告照片同實物的還原度有 100%！以透明小膠杯盛載，睇到裏面有 4 層材料，有層次，幾精緻；最底層是蟹籽飯，逐層疊上去係青瓜絲（三文魚杯則是毛豆）、飯、蛋絲及海鮮食材， Size 的的骰骰，同平日買到的甜品外賣杯差不多，細細杯已經有咁多嘢，都算幾有誠意，女生作為 light lunch 或下午茶都啱。
海鮮杯盛
新推出的海鮮杯盛，有一塊大的北寄貝剌身，同時有兩塊薄切帶子、青瓜及超過 10 粒三文魚籽，都算足料。刺身算新鮮，但刺身下的蛋絲、飯及青瓜絲則嫌偏乾，用筷子一夾就散，沒有黏性，雖然有蟹籽伴飯，但蟹籽味唔算太突出。
鰻魚杯盛
鰻魚有厚度，燒汁非常惹味，但可惜鰻魚皮好韌，只食肉的話份量減半。
焦糖香蕉卷 $18（港島區限定）
用香蕉做卷物，創意拍得住明將！聽個名已經做定「伏」的心理準備！一見實物真心有少少嚇親，事關香蕉因氧化有點點變黑，再加埋沙律醬……要試真係需要勇氣㗎！香蕉以微焦白飯、紫菜包住做成卷物，入口神奇的一刻出現！全部材料係口中散開晒，味道甜甜哋唔算奇怪亦唔算難食，鍾意試新奇趣嘅吃貨可以一試。
焦糖玉子燒 $12（港島區限定）
香蕉卷順利過關，估唔到伏位係玉子燒。玉子燒顏色較淡，配上綠色的海帶及沙律醬及少少燒焦的效果，雖然冇咗傳聞中的焦糖面，但賣相可以； 入口有丁點甜味及蛋味，但口感怪怪的，無玉子應有的水潤和口感，偏實和偏粉，減分。
爭鮮
電話：2614 0558
歡迎你 like 我哋 U Food Facebook Page / U Food Instagram ，取得我哋更新更快嘅資訊！
