國金軒帶來兩款全新口味嘅迷你月餅，一款係充滿咗少女味嘅玫瑰醬洛神花迷你月餅，而另一款就係有機又低糖嘅龍舌蘭蜜蛋黃白蓮蓉迷你月餅。
玫瑰醬洛神花迷你月餅 原價：$398 優惠價：$298 （需於 8 月 31 日前預購）
一切開玫瑰醬洛神花迷你月餅會紅粉菲菲嘅內餡，其實係喺奶皇加入咗全天然嘅玫瑰花醬，仲會食到洛神花顆料，好有口感。
有機龍舌蘭蜜蛋黃低糖白蓮蓉迷你月餅 原價：$398 優惠價：$298 （需於 8 月 31 日前預購）
而龍舌蘭蜜蛋黃白蓮蓉迷你月餅就係以含天然纖維嘅有機龍舌蘭蜜製作，配合低糖配方嘅白蓮蓉，最啱覺得月餅太甜或者非常關注飲食健康嘅朋友！
花好月圓禮盒 原價：$288 優惠價：$188 （需於 8 月 31 日前預購）
另外，翠亨邨亦有新嘗試，首次推出雙口味禮盒「花好月圓」，每盒包括以花蜜同低糖材料製成嘅
百花蜜桂圓低糖白蓮蓉迷你月餅，同埋以蜜餞金桔餅、陳皮製成嘅
陳皮柑桔蓉迷你月餅，兩款口味都好特別，大家不妨妨試試佢！
文︰Jenny Ling
歡迎你 like 我哋 U Food Facebook Page / U Food Instagram ，取得我哋更新更快嘅資訊！
