芝士流心大判燒 （試食價）$18/5 件、$28/8 件
係旺角嘅 Candy Shake 不時都有新產品推出，上個星期再有新甜品面世，仲要有齊芝士、抹茶、流心呢幾個不敗元素。係乜嘢咁吸引？就係流心芝士大判燒！
大判燒共有 4 款口味，包括原味芝士、抹茶芝士、士多啤梨芝士及朱古力芝士。蛋漿用雞蛋、麵粉及牛奶加北海道十勝芝士製作，大廚話用咗整個月時間才研發出外脆內軟，中間呈流心狀態嘅效果。
大判燒盡量即叫即製，即使做多咗都會放於燈爐保溫，保持流心效果。
點整法？即睇！
1 首先加入一半蛋漿。
2 加入特製流心芝士餡，呢粒餡用咗芝士、牛奶及忌廉芝士等以急凍方法製作。
3 再倒入另一半蛋漿至滿，焗約 1 分半鐘即成。
原味流心芝士大判燒
用咗北海道芝士製作，芝士餡超流心！芝士味濃郁但唔太膩。
抹茶流心芝士大判燒
芝士蛋漿加入日本宇治抹茶粉炮製，茶味濃得嚟帶回甘！
朱古力流心芝士大判燒
加入比利時黑朱古力製作嘅朱古力大判燒，朱古力味好突出，中間嘅流心餡比較稠身，好似食緊朱古力醬！
士多啤梨流心芝士大判燒
粉紅色嘅士多啤梨味食落酸酸甜甜，芝士味再慢慢滲出。
Candy Shake
地址：旺角登打士街 55 號
電話：2110 9822
營業時間：12nn-12mn
文：Jessie 攝：Brian
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
