呢間小食店唔係日式小食店，叫 Happy Toast，顧名思義，係以多士做主題。餐牌選擇一啲都唔少！店內主要有厚多士及牛角包兩款麵包畀你揀，但食法就多喇！可以配不同鹹、甜餡料！甜味有朱古力、香蕉、士多啤梨、奶醬、忌廉，而鹹味則有碎蛋芝士、吞拿魚芝士、牛油果芝士等；同場仲加映炒腸粉及烤大啡菇，鹹甜小食都包辦晒！
芝鰻牛 $41
而家乜都加芝士，小店內就有一系列加入大量芝士做餡嘅牛角包，呢隻夾咗半條鰻魚嘅「芝鰻牛」最吸引！鰻魚大大條又厚肉，食完大滿足！芝士做到拉絲效果，但芝士味唔夠突出，扣咗少少分。
忌廉蜜糖脆脆配雪糕 $23
小店所有食物都即叫即製，店主推介忌廉蜜糖脆脆配雪糕，將厚麵包切成條狀後，抹上牛油再烘脆。多士脆條上面淋上蜜糖，伴鮮忌廉及雪糕食，加 $15 仲可以配 Movenpick 雪糕㖭！
芝士流心蛋菇配薯蓉 $30
即叫即燒嘅有機大啡菇，表面鋪上厚厚嘅芝士，一搗開芝士外層，底層嘅流心蛋漿即流出。大啡菇下面仲有香滑嘅薯蓉，食落仲有少許薯仔粒！
士多啤梨棉花糖厚多士 $24
厚多士鋪上棉花糖焗至半融，唧滿朱古力醬，好邪惡！配埋酸甜嘅士多啤梨正好平衡棉花糖嘅甜味。
Happy Toast
地址：葵涌廣場 2 樓潮流廊 2005 號舖
電話：從缺
營業時間：12pm-10:00pm
文：jessie、攝：jay
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
