阿波羅 8 月新出咗 2 款用北海道牛奶製嘅雪條,分別係宇治金時同煉乳金時,唔知奶味係咪好濃呢?
先試宇治金時雪條,牛奶味嘅外層包住綠茶雪糕同紅豆粒,外層奶味算濃,但綠茶雪糕茶味唔突出,反而奶味頗重,蓋過咗綠茶味,食落偏甜。
而煉乳金時其實是紅豆雪條,外層有牛奶味,咬落去真係食到紅豆粒,不過紅豆味偏淡,同宇治金時一樣奶味太重。
同埸加映:
牛奶 + 可樂 = 牛奶可樂冰條!
唔洗怕,牛奶溝可樂唔會食到肚痛嘅,配搭聽落奇奇怪怪,不過味道其實幾夾!牛奶雪條入面唔係可樂味雪糕,而係沙冰!食落爽爽的,有冰感,小驚喜!
售賣點︰阿波羅
電話︰2494 8881
文︰Louise、攝︰Sofei