唔知係快餐店火鍋熱潮興起，定入秋涼涼哋，繼吉野家後，賣開炸雞嘅 KFC 都加入鍋物戰團，推出兩款日式火鍋，包括關西風味牛肉鍋及和風海鮮湯鍋。兩款鍋物湯底標榜選喺日本有百年做醬汁經驗嘅大福屋出品炮製。睇宣傳海報，材料堆到滿一滿，除咗牛肉同海鮮，粉絲焦點仲落喺芝士竹輪卷度，每份套餐 $49.9，包埋珍珠白飯同汽水，唔算貴，要試一試先知性價比！
和風海鮮湯鍋套餐 $49.9（配珍珠白飯及中汽水）
火鍋材料有青口、蝦、冬菇、粟米、金菇及芝士竹輪卷及蟹捧，堆得滿滿，以酒精爐㷫着，睇頭十足。雖然一個鍋一碗珍珠白飯，胃口正常嘅都夠飽，不過仍會心思思追加其他配料！
滾一陣，湯底吸收咗蝦的鮮味，味道鮮甜，而跟鍋亦配有壽司用的醬油及七味粉，點住醬汁一齊食，即時提升海鮮的鮮味。
海鮮鍋中最重要的蝦及青口質素不賴，沒雪藏味，蝦肉仲幾彈牙㖭。
店中設有自助湯吧，方便自己加湯，唔怕滾到乾。
湯底以日本大福醬汁調製。
關西風味牛肉鍋套餐 $49.9（配珍珠白飯及中汽水）
牛肉鍋的配料與海鮮鍋差不多，有冬菇、粟米、娃娃菜、南瓜、豆腐等，配一碟美國牛肉。湯底飲落略帶鰹魚的甜味，味道比較單調和略淡。不過當放咗美國牛肉落鍋後，吸收了牛肉的精華和肥油香，雖然泛着一層薄薄的油，但味道即時變得有層次。醬料方面配有日式胡麻醬，用來點牛肉食，吃起來有芝麻香，更香口惹味。
用美國牛肉，每客有五六片，有肥位有瘦位，都食到牛肉味，質素不賴。
牛肉鍋同樣有邪惡的芝士竹輪，加熱後芝士變成流心，雖然好味但小心辣嘴。
肯德基
地址：灣仔軒尼詩道 298 號廣生行大廈地庫及地下
電話：2745 2903
註： 日式火鍋只限灣仔 298 電腦特區分店 6pm 後供應
文、攝：Froggie、Theo
相關報導：
KFC 踩過界！有日式火鍋食
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
