維園賞月 醒你銅記 4 大宵夜推介

夜食築地名物 心燒食堂
要去銅記食宵夜，心燒食堂出晒名，最近餐廳用《潮拜築地：魚味無窮》做靈感，設計出風味十足嘅日式魚市場名物，如燒明太子、甲羅燒、玉子燒、月見海膽飯等等，趁中秋歎埋築地直送海膽刺身宵夜，大滿足！七色刺身真係好 sharp，有拖羅、北海道帶子、海膽、三文魚籽、牡丹蝦等配搭，一見就想即刻開動，連講句「唔客氣喇」都想慳番。

燒 V.S.O.P. 明太子 $68
築地直送明太子，以干邑浸過，味道唔腥反而鮮味，有濃濃酒香。


甲羅燒 $78
松葉蟹蓋盛戴蟹膏，再加入蟹棒肉燒，拌鵪鶉蛋食，蟹味澎湃。


月見海膽飯 $198
築地直送海膽，加入蛋黃拌吃超滑溜，一口鮮味！

心燒食堂
地址：銅鑼灣駱克道 487 號駱克駅 22-23 樓
電話：2383 8686
營業時間：6pm - 2am

乾杯！Sake 中秋夜 和酒屋陶醉
如果唔肚餓，只想「轉場」飲杯嘢，傾下偈，推介你去「和酒屋陶醉」。新開日本酒吧，年輕老闆井上先生來自神奈川縣，為咗令香港人了解多些日本酒，於是開店。氣氛 casual，有京都鄉土 cafe 感覺，近窗位置仲可欣賞到馬場景，好開揚。店中有近 120 款 sake、二三十款果實酒選擇，大部分藏酒都是香港飲不到的。既有枝裝，又有不少 by glass 的，價錢合理，盡興！




白老梅純米吟釀古酒仕込梅酒 $60 杯、$610 枝
琥珀色的梅酒微酸又透出杏脯、話梅味道，飲落極為醇香。


三井の寿純米吟釀 $520 枝
外型像葡萄酒，因用了葡萄酒酵母來釀清酒，所以有橡木桶香，又混合了清酒中的花果香。而這款新潟清酒配搭黑朱古力片，味道出奇地柔和平衡。


Food and sake pair set $80
來自日本新潟的清酒，味道豐富，既有蜜糖、黑糖香，亦帶咖啡、朱古力的甘甜，店方將它配對黑朱古力片。呷啖酒，吃朱古力後再飲，發現兩者味道變得柔和平衡。配對組合不時轉換。（越之華純米原酒翠鳥之旅箱入，單點 $60 杯、$590 枝）


酒屋內有多款日本 sake，過中秋可上去小飲怡情。


酒肴三點 $68
有冰頭漬（醃漬三文魚的鼻軟骨位置）、魷魚鹽辛及熒光魷魚等，酸香、濃惹，最宜佐酒。

和酒屋陶醉
地址：銅鑼灣耀華街 3-9 號百樂中心 16 樓 1601 室
電話：2333 3320
營業時間：星期一至六 6pm-12mn（星期日休息）

傳統串燒 + 私房料理 八寸
再來個日式宵夜新玩法，就係串燒 + 私房料理配搭，「八寸酒食串燒私房料理」主打超過 70 款串燒食物，包括日本 A4 黑毛和牛、薩摩雞肉、沖繩黑豚肉、宮崎番薯等，廚師更會每日到灣仔和鵝頸橋街市選購生猛海鮮，有鱲魚、三刀、蟹、蟶子等，超新鮮；舖頭 10:30pm 開始宵夜時段，呢個鐘數啱啱肚餓！


八寸海幸卷
面層是海膽、三文魚子及帶子，底下是昆布捲着的飯卷，中間有鱈場蟹肉棒、日本蟹膏及櫻花蝦乾，鮮味十足。


牛油燒笠貝
日本笠貝起片以牛油豉油汁薄燒，入口爽嫩，仲有牛油香。


八寸海世界
用日本清酒及昆布煮成清湯，海鮮按時令而定，一般有蟹、東風螺或花甲等。


燒黑松露木魚絲飯糰 $43
混合黑松露醬及煙肉洋葱來燒的飯糰，香脆又不黏牙。


私房料理夾雜串燒店，選擇多多。

八寸酒食串燒私房料理
地址：銅鑼灣駱克道 487-489 號駱克駅 13 - 15 樓
電話：3907 0204
營業時間：12nn - 2pm、6pm - 1:30am

歎啖啖肉鮮果甜品 小甜谷
如果想食甜品，銅鑼灣同大坑一樣大把選擇！好似小甜谷，近年推出好多生果窩夫甜品；落重本用原個韓國哈密瓜挖出瓜肉波波，又用半個菠蘿起肉，配合奇異果、士多啤梨、雪糕同窩夫，咁浮誇同搶眼嘅甜品，夠晒應節！


菠蘿雜果窩夫 $168
將菠蘿炒飯 idea 換成生果窩夫，將菠蘿挖出果肉後切成片，加上士多啤梨、奇異果、雪糕及窩夫，新鮮菠蘿香味好吸引。


士多啤梨梳乎窩夫 $98
放上勁多士多啤梨好重本，加上士多啤梨味雪糕，那個熟女 / 少女不心動？


鐵板宇治抹茶窩夫 $78
抹茶甜品全用逾 100 年歷史的京都抹茶粉製，陣陣甘香抹茶味，軟雪糕做到奶香茶香平均，淋上自家的甜甜抹茶醬，綠茶 fans 超愛。


謝斐道分店燈火明亮，空間闊落，可以舒舒服服歎甜品。

小甜谷 Dessert Kaffee
地址：銅鑼灣謝斐道 482 號信諾環球保險中心地下 4-6 號舖
電話：2325 0208
營業時間：星期日至四 11:30am - 1am，星期五至六 11:30am - 2am

文：Celia

歡迎你 like 我哋 U Food Facebook Page / U Food Instagram ，取得我哋更新更快嘅資訊！