相比一般快餐店火鍋，睇到大家樂「藍海星斑海捕鍋」的名堂的確嚇一嚇！睇睇價位，每客 $70，價錢比想像中親民。海鮮除咗有斑片外，仲有原條吊筒及大蝦，又有美國殼飼肥牛、六色菜盤、特盛五寶盒，堆頭好大！至於湯底，有豬骨濃湯、番茄薯仔或沙嗲可選擇，分量十足，實物與圖都幾相符，一個餐盤幾乎放唔落！
先試主角斑片，雖然只得兩塊，但每塊魚肉都連魚皮，魚皮發亮，魚肉水潤有彈性，睇得出新鮮，放湯一灼即食，肉質嫩滑有魚味。吊筒原隻上，新鮮彈牙，大蝦雖然唔夠爽口，但亦難得無雪藏味，整體來講海鮮幾高分啦！
肥牛呢，牛味十足，略嫌有點肥。食完呢幾樣，已經有點飽！再加埋炸魚皮、餃子、肉丸及幾有驚喜的芝士魚腐，$70 無投訴。
藍海星斑海捕鍋 $70
火鍋配料堆頭十足，番茄湯味道夠濃，用來烚斑片更能帶出鮮味。
海鮮類有星斑、吊筒及大蝦，可惜只得兩塊，唔多夠喉。
六色菜盤，有唐生菜、木耳、粟米、車厘茄、菇、豆卜及烏冬，睇落都幾吸引。
特盛五寶盒，有炸魚皮、野菜福袋、芝士魚腐、香菇豬肉餃及豬肉丸，款式夠多兼有心思，適合鍾意試新嘢的吃貨。
最驚喜是芝士魚腐，雖然不至於流心，但芝味相當濃。
逢星期一至四都有追加優惠，有三文魚子魚滑、手工豬肉丸、丹麥優質豚肉等，啱晒大胃王。
藍海星斑海捕鍋
推出時間：每日 5:30pm 後，最後供應時間 9:45pm
大家樂
查詢電話：2451 2431
網址：www.cafedecoralfastfood.com
文︰、攝：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
