生日、結婚週年、畢業慶祝乜乜乜，一個蛋糕唔少得。坊間甚麼款式蛋糕都有得度身訂造，但講到最能夠代表主角，點都唔及將個靚樣印喺蛋糕上面。曾經大熱一時嘅諾亞半熟蛋糕專門店，最近就推出「相片半熟 Photo Cake」。只要購買任何半熟蛋糕，加 $90 就可換購相片半熟 （以每個蛋糕計算），BB 相、寵物相、愛人嘅靚相都可以放喺蛋糕上！
喵星人同汪星人得意樣係 Pboto Cake 熱門塑材。
好多媽咪都愛將 BB 可愛樣印喺蛋糕上作為生日蛋糕。
印相解析度清晰，唔會模糊不清或顏色失真。
印相嘅材料主要用糯米紙加糖漿製造，而顏料則是蔬菜及水果汁如番茄、菠蘿等，黑色則由黑豆汁整成，可以放心食落肚！小記試食過，係甜甜哋夾少許糯米味，唔會搶過蛋糕風頭。老闆指如果要印相，最好揀「原味半熟蜂蜜蛋糕」或「伯爵紅茶半熟蜂蜜蛋糕」，既無損蛋糕外貌，又不影響流心蜂蜜內餡的幼滑口感！
老闆建議印相配「原味半熟蜂蜜蛋糕」（$78）或「伯爵紅茶半熟蜂蜜蛋糕」（$78），相片放面不損蛋糕表面及其嫩滑口感。
比利時巧克力融心乳酪蛋糕 $99
用 65% 濃度比利時朱古力及澳洲忌廉芝士製成，不添加額外牛油及糖，低甜又餘吃到可可香，質感 creamy！
此外，老闆仲推薦早前喺中秋攤位大受歡迎的「比利時巧克力融心乳酪蛋糕」，用上 65% 濃度比利時朱古力及澳洲忌廉芝士炮製，無額外加牛油及糖，甜度低食得更健康之餘，但又不失 creamy 口感，每天日賣四五十個就知受歡迎。
諾亞嘅燈泡樽飲品好受歡迎，凡購買產品加 $10 即可換購一個小燈泡匙扣，加上小燈泡放在飲品樽口當裝飾都幾靚！換完即止㗚！
諾亞半熟蛋糕專門店香港暫時有 4 間分店，其中太古城誠品店有個特色太空球，科幻感 up！
Photo Cake 溫馨提示：
1 每個蛋糕加 $90 印相服務
2 需於最少 4 個工作天前預訂
3 蛋糕尺寸 6 吋、相片尺寸 5 吋
4 先到分店付款，再將相片電郵至 noahhk.info@gmail.com
5 相片要求：JPEG 格式圖檔，解析度為 3，pixel 大小於 1 至 5 MB 內
諾亞半熟蛋糕專門店（太古店）
地址：太古太古城道 18 號太古城中心地下誠品生活 G004 號舖
電話：3419 1122
營業時間：10am-9:30pm
文：Celia、攝：Brian
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
