情侶要表達愛意有好多種方法,可以學謙謙扮老婆最愛的公仔唱歌,但原來煮早餐亦可以係最冧的方法之一。英國呢對男同性戀戀人 Michael Zee 及 Mark van Beek,其中 Michael 幾乎每日都為 Mark 煮早餐,而且天天新款、款款唔同,真係冧到不得了。
每日兩人食的早餐都會一模一樣,而且用來裝食物、飲品的器皿亦一樣。食前先一對咁排好影張相,有人認為咁樣好有強迫症 feel ,但我就覺得好 sweet 好浪漫。
兩人的早餐由西式到日式幾乎乜式都用,好鬼繽紛,但唔講唔知,原來我哋香港嘅名物雞蛋仔,只要加上肉鬆、煎蛋同煙肉,亦可以成為一份完美嘅早餐。
要學煮兩人的早餐的確好難,但終於搵到一個可以同 Michael 及 Mark 一樣咁冧的早餐方法,事關早前兩人嚟香港時,就以飲茶做早餐,情侶們下次飲茶時都記得影相放閃!
文:Froggie
歡迎你 like 我哋 U Food Facebook Page / U Food Instagram ,取得我哋更新更快嘅資訊!